Łukašenka pra vyvad rasijskich vojskaŭ paśla vučeńniaŭ: «Heta naša z Pucinym sprava»
Alaksandr Łukašenka 14 lutaha sustreŭsia z ukrainskim palitykam Alaksandram Marozam. Padčas sustrečy była zakranutaja tema biełaruska-rasijskich vučeńniaŭ, paviedamlaje jaho pres-słužba.
«Da hetaj isteryki my pryniali rašeńnie ab vučeńniach na poŭdni našaj respubliki. My ich pavinny byli pravodzić sami dla taho, kab vyznačycca, dzie nam trymać nievialikuju kolkaść vojskaŭ u suviazi z tym, što adbyvajecca va Ukrainie: hety patok zbroi, našy źbiehłyja, farmavańnie łahieraŭ, navučańnie. Adtul idzie prytok hetych dyviersantaŭ, ščyra kažučy», — zajaviŭ Łukašenka»
«Mnoju było pryniataje rašeńnie: my praviadziom vučeńni i ŭ vyniku vyznačymsia, na jakich kirunkach nam treba trymać niejkija ŭzbrojenyja siły. Potym sustrelisia z Pucinym, i ja kažu: «Davaj praviadziom sumiesnyja vučeńni». Usio ž taki SPA ahulnaje, šmat ahulnaha, navučalnyja centry my stvaryli: Rasija dała nam zbroju, C-400, «Iskandery» i inšuju sučasnuju techniku, kab my mahli jaje vyvučać, — raspavioŭ Alaksandr Łukašenka. — Jon pahadziŭsia, kaža: «Dobra, my padklučymsia». Padklučylisia. Dyk čaho kryčać, što my tut suprać Ukrainy niešta stvarajem. To-bok całkam inšy fon».
«Siońnia hvałtam kryčać: «Kali vyvieduć vojski? (rasijskija ź Biełarusi)». Słuchajcie, heta naša sprava z Pucinym. My ŭ najbližejšy čas sustreniemsia i prymiem rašeńnie, kali, u jakija terminy, pa jakim hrafiku vyvodzić adsiul Uzbrojenyja siły Rasijskaj Fiederacyi. Heta naša sprava», — adznačyŭ Łukašenka.
«Pahladzicie, što robiać amierykancy: jany tysiačami pierakidvajuć da našaj miažy, niepasredna ŭ Polšču, Prybałtyku. Brytancy i inšyja jeŭrapiejskija krainy pierakidvajuć uzbrojenyja siły. Paŭstaje słušnaje pytańnie: vy kali ich vyviedziecie adsiul? Jany pra heta nie havorać, a cisnuć na nas. Vyviedziem tady, kali vyrašym z prezidentam Rasii heta zrabić i kali skončacca tut vučeńni. Heta my budziem prymać rašeńnie: heta naša terytoryja».
Čytajcie jašče:
Ci mahčymaje ŭvarvańnie Rasii va Ukrainu? Jak situacyja budzie raźvivacca? Vialiki analiz
U pamiežnaj słužbie Ukrainy prakamientavali admovy va ŭjeździe biełarusam. Što skazali?
Ciapier čytajuć
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos3
Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4747
Kamientary