Hanna Soła zaniała 4-je miesca ŭ honcy pieraśledu Alimpijady ŭ Piekinie
U bijatłonnaj honcy pieraśledu na 10 km padčas zimovych Alimpijskich hulniaŭ u Piekinie biełaruska Hanna Soła zaniała 4-je miesca, adstaŭšy ad pieramožcy amal na 2 chviliny.
Tym nie mienš, heta vielmi dobry vynik, bo startavała Hanna, paśla niaŭdałaha vystupleńnia ŭ spryncie, ažno 26-j. Jana musiła prajści try štrafnyja kruhi — pa adnym na pieršych troch etapach, na apošnim abyšłasia biez štrafu. Ale biehła pa dystancyi ŭ hety dzień chutčej za ŭsich.
Nahadajem, što Hanna Soła — adzinaja bijatłanistka sa zbornaj Biełarusi, jakaja nie padpisała list spartoŭcaŭ u padtrymku palityki dziaržaŭnych uładaŭ.
Ažno sorak pazicyj pa chodu honki adyhrała i biełaruska Iryna Leščanka. Startavaŭšy 60-j, jana pryjšła 20-j. Prystupku pierad joj zaniała Dzinara Alimbiekava, spuściŭšysia na jaje z 15-ha miesca.
A pieramohu ŭ honcy, jak i ŭ papiarednim spryncie, zdabyła narviežka Marta Rojsłand. Jaje pieravaha nad šviedkaj Elviraj Ebierh, jakaja stała druhoj, była prosta ašałamlalnaj - 1 chvilina i 36,5 siekundy. Treciaja — narviežka Cirył Ekchaf.
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary