Kamiery siaredniaj chutkaści paŭnavartasna zapracujuć užo ŭ hetym miesiacy
Ab novaŭviadzieńni havorać daŭno, bolš za dva hady kamiery siaredniaj chutkaści pracavali ŭ piłotnym režymie — naprykład, na trasie M1 i na vyjeździe ź Minska ŭ rajonie Partyzanskaha praśpiekta. Siońnia stała viadoma, što ŭsio surjozna. Užo chutka pačniecca paŭnavartasnaja praca z usimi nastupstvami («listy ščaścia» i štrafy). Uzhodnienyja i novyja znaki, piša Onliner.by.
«Sistema kantrolu siaredniaj chutkaści ŭvodzicca ŭ ekspłuatacyju na aŭtadarohach Biełarusi, — paviedamili Onlíner u «Biaśpiečnych darohach Biełarusi». — Siaredniaja chutkaść vyznačajecca jak adnosiny projdzienaha šlachu da času jaho prachodžańnia, zafiksavanaha abstalavańniem u pačatku i ŭ kancy kantralavanaha ŭčastka. Dla kantrolu vykarystoŭvajecca abstalavańnie biełaruskaha vytvorcy, jakoje prajšło siertyfikacyju i pavierku».
Raźmiaščeńnie učastkaŭ kantrolu vyznačaje DAI. Hetaja infarmacyja pakul nie apublikavanaja.
Učastki kantrolu buduć paznačać nastupnymi znakami:
«Pačatak ŭčastka kantrolu siaredniaj chutkaści ruchu TS»
«Kaniec ŭčastka kantrolu siaredniaj chutkaści ruchu TS»
«U najbližejšy čas danyja ab faktach pieravyšeńnia ŭstalavanaj chutkaści buduć pieradavacca ŭ MUS dla pryniaćcia rašeńnia ab vyniasieńni pastanoŭ u adpaviednaści z KaAP RB», — zapeŭnili ŭ SZAT «Biaśpiečnyja darohi Biełarusi».
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały3
Kamientary