Biełaruś abmiežavali ŭ asablivych pravach i pryvilejach pa Orchuskaj kanviencyi
Rašeńnie było pryniata jašče ŭ kastryčniku 2021-ha, ale ŭładam Biełarusi byŭ dadzieny čas na vypraŭleńnie situacyi. Pakolki ničoha zroblena nie było, a situacyja navat pahoršyłasia, to z 1 lutaha 2022-ha abmiežavańni pačali dziejničać.
Orchuskaja kanviencyja «Ab dostupie da infarmacyi, udziele hramadskaści ŭ pryniaćci rašeńniaŭ i dostupie da pravasudździa pa pytańniach, što tyčacca navakolnaha asiarodździa» pačała dziejničać dla Biełarusi 20 hadoŭ tamu. Mižnarodnyja ekałahičnyja prajekty davali dla krainy značnyja finansavyja srodki.
Adnak padčas uradavych represij suprać hramadzianskaj supolnaści Biełarusi pad udar patrapili i ekałahičnyja arhanizacyi, pra što stała viadoma na Zachadzie. Asablivaje značeńnie mieła likvidacyja «Ekadoma», adnoj z najstarejšych biełaruskich ekałahičnych arhanizacyj. Mienavita «Ekadom» najbolš nadavaŭ uvahi prasoŭvańniu Orchuskaj kanviencyi ŭ našaj krainie.
21 kastryčnika minułaha hoda krainy-udzielnicy Orchuskaj kanviencyi na sustrečy ŭ Ženievie pryznali likvidacyju «Ekadoma» pieraśledam za jaje dziejnaść i zapatrabavali adnaŭleńnia rehistracyi arhanizacyi. Adnak hetaha nie tolki nie było zroblena, a naadvarot — suprać arhanizacyi prymianili novyja represii, zabłakavaŭšy jaje sajt.
Ciapier abmiežavańni pačali dziejničać. U vyniku ich Biełarusi nielha pravodzić mižuradavyja narady ci sustrečy ekśpiertaŭ pa kanviencyi, a pradstaŭniki Biełarusi nie zmohuć zajmać pasady ŭ jaje kiraŭničych strukturach.
Čytajcie taksama:
Biełaruś pavinna admianić likvidacyju ekałahičnaj arhanizacyi, inakš krainu čakajuć čarhovyja abmiežavańni
Biełaruś pryznali parušalnikami Orchuskaj kanviencyi, što zajmajecca pytańniami navakolnaha asiarodździa
«Nie NDA, NKA i inšaja dreń». Łukašenka prapanavaŭ «zakanadaŭča vyznačyć hramadzianskuju supolnaść»
Ciapier čytajuć
Pamior 50-hadovy śpiecnazaviec Bućko. Jon byŭ udzielnikam vykradańnia i zabojstva Zacharanki i Hančara11
Kamientary