Astma, prablemy z kišečnikam i aŭtaimunnyja chvaroby. Voś daloka nie poŭny śpis dyjahnazaŭ, što pavyšajuć ryzyku postkavidu — stanu, kali simptomy kavidu doŭha nie źnikajuć paśla vyzdaraŭleńnia ad chvaroby.
Pra heta navukoŭcy raskazali ŭ vynikach novych daśledavańniaŭ postkavidu. U pracach, pra jakija idzie razmova, navukoŭcy taksama padkazvajuć mahčymyja varyjanty lačeńnia chvaroby. Lačeńnie moža zaležać ad pryčyny chvaroby, tamu navukoŭcy nie abiacajuć stvaryć adziny preparat suprać postkavidu, piša Wall Street Journal.
U pracy, apublikavanaj u časopisie Cell, aŭtary pieraličvajuć čatyry faktary. Samy raspaŭsiudžany ź ich — prysutnaść śpiecyfičnych aŭtaantyciełaŭ, jakija pamyłkova atakujuć arhanizm u vypadku aŭtaimunnych chvarobaŭ nakštałt vaŭčanki. Takija aŭtaantycieły vučonyja znajšli ŭ 60% ludziej z postkavidam.
Jašče adzin faktar niebiaśpieki — najaŭnaść u arhaniźmie reaktyviravanaha virusa Epštejna-Bara, jaki vyklikaje monanukleoz. Hety virus znachodzicca ŭ arhaniźmie 90% ludziej, ale ž u bolšaści ź ich jon nieaktyŭny.
Dva inšyja faktary — dyjahnastavany ŭ čałavieka dyjabiet druhoha typu i najaŭnaść u jaho kryvi virusa kavidu. Heta aznačaje, što virus pakinuŭ lohkija i raspaŭsiudžvajecca ŭ inšych častkach cieła. Navukoŭcy taksama vyśvietlili, što niekatoryja pacyjenty z postkavidam majuć vielmi nizkija ŭzroŭni kartyzołu, što vyklikaje chvarobu Adysana, jakaja prajaŭlajecca stomlenaściu i bolem u muskułach.
U inšaj pracy, apublikavanaj ŭ vydańni Nature Communications, vučonyja pryvodziać jašče piać faktaraŭ, jakija dapamohuć pradkazać, ci pahražaje čałavieku postkavid. Samy važny ź ich — nizkija ŭzroŭni ŭ kryvi čałavieka dvuch typaŭ imunahłabulinaŭ, IgM i IgG3, jakija źjaŭlajucca typami antyciełaŭ.
Inšyja faktary ŭklučajuć u siabie pavažny ŭzrost, najaŭnaść astmy, a taksama asabliva ciažkaje praciakańnie vostraj stadyi kavidu: vielmi vysokaja tempieratura, praciahłaja stomlenaść, mocny kašal, ciažkaści z dychańniem i prablemy z straŭnikava-kišačnym traktam.
Čytajcie taksama:
Kavid moža spravakavać raźvićcio cukrovaha dyjabietu. Asabliva ryzykujuć dzieci
«Kab nie kavid, jon by žyŭ i žyŭ». Biełarusy, što stracili blizkich padčas pandemii, raskazvajuć, jak pieražyli heta
Ad pandemii da endemii. Paśla amikrona dziaržavy mianiajuć svaju stratehiju adnosna kavidu
Čamu rekordna šmat chvorych na kavid u krainach z vysokimi ŭzroŭniami vakcynacyi
Niekatoryja vakcyny ad «amikrona» nie abaraniajuć zusim. Novyja daśledavańni
Śpiavačku Meryjem Hierasimienka na praciahu dvuch hadoŭ źbivaŭ muž43
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»88
Kamientary