Hramadstva

«Vy znachodziciesia ŭ turmie za toje, što vystupali za svabodu presy». Deputat niamieckaha parłamienta dasłaŭ list hałoŭnamu redaktaru «NN»

Deputat niamieckaha parłamienta Andreas Aŭdreč napisaŭ list hałoŭnamu redaktaru «Našaj Nivy», jaki bolš za paŭhoda znachodzicca ŭ źniavoleńni. Palityk vykazvaje padtrymku Jahoru Marcinoviču i śćviardžaje, što razam z kalehami budzie pracavać nad tym, kab abychodžańnie z palitviaźniami ŭ Biełarusi nie zastałosia biespakaranym. 

Andreas Aŭdreč. Fota gruene-bundestag.de

«Vy znachodziciesia ŭ turmie za toje, što vystupali za svabodu presy i demakratyju ŭ Biełarusi, — piša niamiecki palityk. — Jak deputat niamieckaha Bundestahu, chaču vas zapeŭnić: vy nie adzin, my pilna sočym za tym, što z vami adbyvajecca, i my staim na vašym baku.

Svaboda presy i demakratyja nieabchodnyja dla sučasnaha i spraviadlivaha hramadstva. Nie tolki asobny čałaviek, ale pierš za ŭsio ŚMI, pavinny mieć mahčymaść svabodna vykazvacca i paviedamlać naviny. Kali hetyja važnyja pravy abmiažoŭvajucca, treba ŭstavać i pratestavać.

Kožny, chto robić heta, asabliva kali heta źviazana ź vialikaj niebiaśpiekaj, zasłuhoŭvaje našaj pavahi, padziaki i padtrymki. My vykazvajem salidarnaść usim demakratyčna nastrojenym hramadzianam Biełarusi, rašuča krytykujem parušeńnie vašych pravoŭ i vaša źniavoleńnie». 

Andreas Aŭdreč da taho, jak pajści ŭ palityku, sam pracavaŭ žurnalistam. U liście da hałoŭnaha redaktara NN jon pryhadvaje, što moh svabodna rabić svaje repartažy i nie bajaŭsia represij i hvałtu z boku ŭładaŭ. 

«Heta mahčymaść, jakoj nie majuć mnohija žurnalisty ŭ śviecie, — praciahvaje deputat. — Heta jašče raz padkreślivaje, nakolki važna, što sioleta Nobieleŭskuju premiju miru atrymali žurnalisty Maryja Resa i Dźmitryj Murataŭ, jakich adznačyli za zachavańnie svabody słova na Filipinach i ŭ Rasii.

My ŭsie pavinny pracavać nad tym, kab pabudavać śviet, u jakim žurnalisty mohuć pracavać biez strachu. My razam pavinny vystupać za demakratyju, za dziaržaŭnyja sistemy, u jakich krytyka nie karajecca i nie dušycca, a źjaŭlajecca naturalnaj i istotnaj častkaj hramadskaj dyskusii».

Jahor Marcinovič. Fota: BAŽ

Andreas Aŭdreč, źviartajučysia da Jahora Marcinoviča, adznačaje, što toje, jak parušalisia jaho pravy i pravy inšych žurnalistaŭ, aburalna. 

«My budziem pracavać nad tym, kab takoje abychodžańnie z vami i ŭsimi palitviaźniami ŭ Biełarusi nie zastałosia biespakaranym, — kaža deputat. — Mnie vielmi škada, što vy nie zmahli pravieści Novy hod z rodnymi i blizkimi. Ja žadaju vam šmat sił i tryvałaści. Ščyra dziakuju za vašu prychilnaść da kaštoŭnaściaŭ, jakija vielmi važnyja dla ludziej va ŭsim śviecie — svabody i demakratyi». 

Što moža kožny zrabić dla palitviaźniaŭ? Adpravić list ci paštoŭku. Usiaho niekalki słovaŭ — vialikaja padtrymka dla ludziej, jakich aryštavali za pohlady i imknieńnie zrabić žyćcio ŭ Biełarusi lepšym.

Kali łaska, nie zabyvajcie pra našaniŭcaŭ, pišycie im listy.

Adras: 220030, h. Minsk, vuł. Vaładarskaha, 2. SIZA №1

Marcinovič Jahor Alaksandravič

Skurko Andrej Hienadzievič

«Spadziajusia, našym papiarednikam nie było b za nas soramna». Jahor Marcinovič z-za krataŭ pieradaŭ vitańni da 115-hodździa NN

«Kapitan sychodzić apošnim, a nie pieršym». Hałoŭny redaktar «Našaj Nivy» daŭ intervju ź SIZA

Kamientary

Ciapier čytajuć

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie

Usie naviny →
Usie naviny

Zatrymańni ŭ 2020-m, aryšt u 2024-m, emihracyja ŭ 2025-m. Historyja 21-hadovaha biełaruskaha «terarysta»2

Z ptuškafabryki pad Hrodnam prapała 400 jajek kački. Pryčym jajkamany navat sačyli, jak vyłuplivajucca kačaniaty2

Ukraina paviedamiła pra hibiel u Rasii bolš za 200 vajennapałonnych2

U spravie «Trajpła» źjaviŭsia novy pavarot

Jak biełaruskaja kampanija pastaŭlaje ŭ Rasiju brendavaje adzieńnie ŭ abychod sankcyj i ŭ škodu dziaržbiudžetu5

«Ščaślivy z maimi novymi siabrami». Na škłozavodzie «Nioman» u Biarozaŭcy ŭžo niekalki hadoŭ pracuje jehipcianin14

Rasijanina zatrymali ŭ minskim aeraporcie za sprobu vyvieźci skradzienuju piać hadoŭ tamu dačku

Minčanka pastaviła doma kamiery, kab nazirać za stareńkaj maci, i raskryła złačynstva3

Jak biełarusam za miažoj skasavać šlub, nie viartajučysia na radzimu? Spytali ŭ jurystki2

bolš čytanych navin
bolš łajkanych navin

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie13

Fatohraf-ahient z dvuma pašpartami zdymaje biełarusaŭ i ich mierapryjemstvy ŭ Varšavie

Hałoŭnaje
Usie naviny →

Zaŭvaha:

 

 

 

 

Zakryć Paviedamić