Lizavieta II pazbaviła svajho syna Endru čynoŭ i tytułaŭ. Jaho vinavaciać u zhvałtavańni
Bukinhiemski pałac paviedamiŭ, što karaleva Vialikabrytanii Lizavieta II pazbaviła svajho druhoha syna prynca Endru ŭsich vajskovych zvańniaŭ i karaleŭskaha patranažu. Pryčyna — abvinavačvańnie ŭ zhvałtavańni.
Prync sam prasiŭ vyzvalić jaho ad hetych hanarovych abaviazkaŭ z 2019 hoda, kali presa padniała temu jahonych suviaziaŭ ź finansistam Džefry Epštejnam, asudžanym za arhanizacyju prastytucyi z udziełam niepaŭnaletnich. Epštejna ŭ 2019 hodzie znajšli miortvym, kali jon byŭ u źniavoleńni.
Epizod, pa jakim prync Endru ciapier apynuŭsia pad sudom, nibyta adbyŭsia 20 hadoŭ tamu. Amierykanka Virdžynija Džufre abvinavačvaje Endru ŭ zhvałtavańni. Jana raskazała sudu, što była adnoj z achviaraŭ Džefry Epštiejna, jaki zdavaŭ jaje dla akazańnia seksualnych pasłuh inšym upłyvovym mužčynam, uklučajučy prynca Endru.
Prync admaŭlaje ŭsie abvinavačvańni i zajaŭlaŭ, što nikoli raniej nie sustrakaŭsia ź Virdžynijaj Džufre. Ale ŭ jaje archivie zachavałasia sumiesnaje fota.
U 2009 hodzie Džufre atrymała ad Epštejna 500 tysiač dalaraŭ u abmien na abaviazalnicva nie padavać u sudy pazovaŭ pa źviazanych ź jaho spravaj epizodach. Mienavita na hetym fakcie budujecca pazicyja abarony prynca Endru ŭ pracesie.
Ale reputacyi jahonaj naniesieny mocny ŭdar, na jaki musić reahavać i karaleŭskaja siamja.
U zajavie Bukinhiemskaha pałaca adznačajecca: «Hiercah Jorkski [Endru] dalej nie budzie vykonvać abaviazkaŭ člena karaleŭskaj siamji i vystupaje ŭ sudovym pracesie jak pryvatnaja asoba». Taksama Endru zabaroniena karystacca tytułam «Jaho Karaleŭskaja Vysokaść».
Ciapier čytajuć
U minskim mietro prachodziać vyprabavańni novyja ciahniki FOTY1
U minskim mietro prachodziać vyprabavańni novyja ciahniki FOTY
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1919
Kamientary