Płošču ŭ samym centry Minska źbirajucca nazvać ŭ honar uładyki Fiłareta
Płošča la Minskaha kafiedralnaha sabora ŭ najbližejšy čas moža atrymać nazvu ŭ honar uładyki Fiłareta. Niepadalok jamu pastaviać pomnik.
Pra heta kiraŭnik BPC Vienijamin raspavioŭ u efiry STB.
«La Minskaha kafiedralnaha sabora idzie padrychtoŭka, u najbližejšy čas my spadziajemsia, što płošča, jakaja prylahaje da kafiedralnaha sabora, taksama atrymaje nazvu ŭ honar uładyki Fiłareta. Akramia taho, ciapier rychtujecca da ŭstanoŭki pomnik Uładyku — heta taksama kala Kafiedralnaha sabora, tam, dzie jon pačynaŭ jak kirujučy archijerej svajo słužeńnie i ŭzdoŭž taho prachodu, pa jakim jon zvyčajna nakiroŭvaŭsia ŭ sabor. U mnohich našych haradach, asabliva kafiedralnych, buduć i ŭžo ŭstanoŭlenyja pamiatnyja doški ab tym, što uładyka Fiłaret naviedvaŭ hety chram abo zakłaŭ tuju ci inšuju carkvu», — adznačyŭ mitrapalit Vienijamin.
Učora spoŭniŭsia roŭna hod sa dnia śmierci mitrapalita Fiłareta.
Jon kiravaŭ Biełaruskaj pravasłaŭnaj carkvoj faktyčna z 1978 hoda, kali byŭ pryznačany mitrapalitam Minskim i Biełaruskim. U 1989-m jon staŭ mitrapalitam Minskim i Hrodzienskim, Patryjaršym Ekzarcham usioj Biełarusi.
Pry im u Biełarusi byli adrodžanyja ŭsie jeparchii, adnavili dziejnaść mužčynskija i žanočyja manastyry, bractvy i siastrynstvy, Minskaja duchoŭnaja sieminaryja, byli zasnavanyja Minskaja duchoŭnaja akademija, duchoŭnaje vučylišča, škoła katechizataraŭ.
Kamientary