Zavyšali ceny ŭ 40 razoŭ. Dziaržkantrol paviedamiŭ ab šerych schiemach pry dziaržzakupkach miedycynskich tavaraŭ
U viedamstvie zaznačajuć, što ŭsiaho za minuły hod raskryli bolš za 80 šerych schiem u tendarach i dziaržzakupkach u roznych śfierach, zajaviŭ pradstaŭnik KDK u efiry «Biełaruś 1».
Letaś Kamitet dziaržkantrolu vyjaviŭ šeruju schiemu, u vyniku jakoj imparcior miedabstalavańnia i kamplektujučych, naprykład, tamohrafaŭ i manžet, zavyšaŭ canu na svaju pradukcyju ŭ 40 razoŭ. Dapamahała ŭ pastaŭkach firma-pasiarednik, praź jakuju išła apłata.
«Dziakujučy takomu pasiarednictvu, cana na tavar uzrastała. Na stadyi afarmleńnia dakumientaŭ tavar stanaviŭsia jašče daražejšym», — paviedamiŭ pradstaŭnik KDK. Udzielniki schiemy trapili pad kryminalny artykuł i zapłacili ŭ biudžet bolš za 3 miljony rubloŭ padatkaŭ i škody. U jakim horadzie heta zdaryłasia, nie paviedamlajecca.
Pavodle źviestak KDK, jašče dźvie firmy sa stalicy pradavali optam farmaceŭtyčnyja, vieterynarnyja, miedycynskija i artapiedyčnyja tavary. Kampanii damaŭlalisia ab nabyćci tavaraŭ z vytvorcami, a ździełki afarmlali praź litoŭskuju firmu, jakaja dastaŭlała pradukcyju ŭ Biełaruś, i, jak vynikaje z paviedamleńnia KDK, pakazvała zavyšanuju canu.
— Cana pavialičvałasia bolš čym u try razy. Niezakonna atrymany prybytak ułaśniki tracili na pryhožaje žyćcio, a dziaržaŭnyja ŭstanovy achovy zdaroŭja vymušanyja byli kuplać tavary pa zavyšanych cenach. U ciapierašni čas słužbovyja asoby biełaruskich kampanij u dobraachvotnym paradku zapłacili bolš za 4 miljony rubloŭ naniesienaj škody — zajaviŭ namieśnik načalnika adździeła DFR Kamiteta dziaržkantrolu Juryj Kardymon.
Tady ž KDK raskryŭ schiemu zavyšeńnia cenaŭ u dzieviać razoŭ na leki dla ludziej z ankazachvorvańniami, jakija pastaŭlalisia ŭ balnicy i palikliniki Viciebskaj vobłaści. U vyniku kampanija kampiensavała škodu ŭ 770 tysiač rubloŭ, ale rasśledavańnie praciahvajecca.
-
Bolš za 13 tysiač minskich vypusknikoŭ sabrali na «Minsk-Arenie». Słuchali Lošu Śvika FOTY
-
«Nie bačyła nivodnaha smažanaha sabaku». Biełaruska raskazała, jak adpačyła ŭ Vjetnamie
-
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava3
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć3737
Kamientary