Amal 3 miljony dalaraŭ ź biudžetu Minska pojdzie na dziaržaŭnyja ŚMI
Stała viadoma, kolki hrošaj hatovy vydatkavać čynoŭniki ź biudžetu stalicy na praviadzieńnie dziaržaŭnaj palityki ŭ ŚMI — jak na telebačańni, tak i ŭ hazietach, zasnavalnikam jakich źjaŭlajecca Minharvykankam. Pavodle płana dziaržzakupak, apublikavanaha naprykancy 2021 hoda, vychodzić kala 2,9 miljona dalaraŭ.
Pieršaja častka tyčycca telebačańnia, tut zajaŭlena suma 2,3 miljony rubloŭ (heta amal 909 tysiač dalaraŭ). Pieryjadyčnaść praviadzieńnia dziaržzakupak — studzień, luty i sakavik. Padrabiaznaha apisańnia tendara niama, viadoma tolki, što hrošy ź biudžetu nakiravanyja na praviadzieńnie dziaržaŭnaj palityki praź ŚMI — stvareńnie teleprahram. Naviny Minska najbolš aśviatlaje telekanał «STB», jaki ŭ svoj čas i startavaŭsia jak staličnaje telebačańnie, ale z 2005 hoda źjaŭlajecca nacyjanalnym telekanałam.
Jašče bolš hrošaj ź biudžetu pojdzie na stvareńnie tekstavych materyjałaŭ — u hazietach «Minski kurjer», «Viačerni Minsk», na sajcie infarmacyjnaha ahienctva «Minsk-Naviny» i na staronkach dziciačaha časopisa «Kačieli», Minharvykankam vystupaje zasnavalnikam ŚMI. Na heta ź biudžetu vydzialać bolš za 5 miljonaŭ rubloŭ (ci 1,98 miljona dalaraŭ). Pieryjadyčnaść praviadzieńnia dziaržzakupak — luty, sakavik i krasavik.
Ahułam na stvareńnie pradziaržaŭnych materyjałaŭ u ŚMI ź biudžetu pojdzie bolš za 7 miljonaŭ rubloŭ, heta kala 2,9 miljonaŭ dalaraŭ.
Taksama horad patracić kala 20 tysiač rubloŭ na padpisku na ŚMI, pierakład sajta Minharvykankama z ruskaj na anhlijskuju movu budzie kaštavać biudžetu 27 tysiač rubloŭ.
Nahadajem, naprykancy 2021 hoda ŭrad zaćvierdziŭ śpis dziaržaŭnych ŚMI, jakim vydzialać hrošy z respublikanskaha biudžetu. Sumy nie ahałošvajucca, ale viadoma, što ŭ śpisie haziety «SB. Biełaruś siehodnia», «Źviazda», «Narodnaja hazieta», «Respublika», «Litaratura i mastactva», časopisy «Śpiecnaz», «Maładość», «Mastactva».
Topiać za pieramieny i pracujuć na prapahandu. Jak pa-roznamu skłaŭsia los viadučych lehiendarnaha tok-šou «5ch5»
«Biełaruskaja prapahanda bje niaŭład». Raspytali rasijskaha palitołaha, ci varta čakać reakcyj na kpiny ŭ adras Pucina ź dziaržTB
«Va Ukrainu maci pravodziła nibyta na vajnu ŭ Čačniu». Dzianis Dudzinski pra žyćcio i pracu ŭ Kijevie, stasunki z baćkami i prapahandystaŭ
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj27
Masavyja aryšty aficeraŭ prajšli na avijabazie ŭ Mačuliščach — abvinavačvajuć u suviaziach z apazicyjaj
Julijana Šamietaviec z «Kibierpartyzanaŭ» stała maci — raskazvaje pra dekretny adpačynak u ZŠA i toje, ci sapraŭdy možna sumiaščać pracu z maciarynstvam1818
Kamientary