21 śniežnia pa prapanovie šerahu palitykaŭ, a taksama siemjaŭ palitviaźniaŭ Śviatłana Cichanoŭskaja nakiravała list vykanaŭčamu dyrektaru Google z prośbaj źviarnuć uvahu na sistematyčnaje złoŭžyvańnie siłavymi strukturami servisam YouTube. Jana pryviała prykład bolš za 40 rekłamnych abjaŭ, u jakich možna bačyć dopyt palitviaźniaŭ i pryznańnia na kamieru, u tym liku Mikałaja Bredzieleva, Alaksandra Bahdanava i inšych.
Śviatłana Cichanoŭskaja ŭ svaim liście źviarnuła ŭvahu, što prymusovyja pakazańni i pryznańni ŭ adpaviednaści z Kanviencyjaj AAN suprać katavańniaŭ kvalifikujucca jak katavańnie. Jana zaklikała pryniać miery dla taho, kab spynić demanstracyju padobnych rolikaŭ.
Cichanoŭskaj adkazaŭ vice-prezident kampanii Google Karan Bchacia. Jon paviedamiŭ, što ŭsie nazvanyja rekłamnyja abjavy byli vydalenyja, a akaŭnty, jakija ich raźmiaščali, nie zmohuć nadalej raźmiaščać prapahandysckuju rekłamu.
Taksama jon prapanavaŭ arhanizavać sustreču pamiž kamandaj ofisa Cichanoŭskaj i kamandaj Google, kab abmierkavać, jak praduchilać padobnyja situacyi ŭ budučyni.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Kamientary