21 снежня па прапанове шэрагу палітыкаў, а таксама сем'яў палітвязняў Святлана Ціханоўская накіравала ліст выканаўчаму дырэктару Google з просьбай звярнуць увагу на сістэматычнае злоўжыванне сілавымі структурамі сэрвісам YouTube. Яна прывяла прыклад больш за 40 рэкламных аб'яў, у якіх можна бачыць допыт палітвязняў і прызнання на камеру, у тым ліку Мікалая Брэдзелева, Аляксандра Багданава і іншых.
Святлана Ціханоўская ў сваім лісце звярнула ўвагу, што прымусовыя паказанні і прызнанні ў адпаведнасці з Канвенцыяй ААН супраць катаванняў кваліфікуюцца як катаванне. Яна заклікала прыняць меры для таго, каб спыніць дэманстрацыю падобных ролікаў.
Ціханоўскай адказаў віцэ-прэзідэнт кампаніі Google Каран Бхаціа. Ён паведаміў, што ўсе названыя рэкламныя аб'явы былі выдаленыя, а акаўнты, якія іх размяшчалі, не змогуць надалей размяшчаць прапагандысцкую рэкламу.
Таксама ён прапанаваў арганізаваць сустрэчу паміж камандай офіса Ціханоўскай і камандай Google, каб абмеркаваць, як прадухіляць падобныя сітуацыі ў будучыні.
Цяпер чытаюць
Лукашэнка быў у Маскве без георгіеўскай стужкі. Наяўнасць або адсутнасць стужак падзяліла гасцей парада на дзве групы5
Каментары