Rajonnaja balnica prapanuje za hrošy pryščapicca «Pfajzieram». Pasprabavali zapisacca na vakcynacyju
Na sajcie Haradockaj rajonnaj balnicy źjaviłasia abjava pra toje, što možna pryščapicca jeŭrapiejskaj vakcynaj ad karanavirusa. Na vybar prapanujuć Pfizer ci Moderna. Za hrošy.
«Vakcyna budzie vydzialacca Minzdaroŭja zhodna z padadzienymi zajaŭkami», — piša balnica.
Dla darosłych pryščepka płatnaja. Aryjencirovačny košt 40-60 rubloŭ.
«Naša Niva» patelefanavała ŭ balnicu, kab zapisacca na vakcynacyju.
«Usio admianiajecca, — adkazała nam supracoŭnica. — My zamaŭlali vakcyny. Ale siońnia staršaja miedsiastra paviedamiła, što ničoha nie pryjšło. Mahčyma, i ŭ inšych rajonach zamaŭlali».
Kali źjavicca mahčymaść pryščapicca Pfizer, u balnicy ciapier nie biarucca prahnazavać.
«Vy ž viedajecie, jak u nas ŭsio źmianiajecca», — uzdychnuli na tym kancy provada.
Kamientary