U Vilni, jak i ŭ Minsku, admovilisia ad navahodniaha salutu. Fiejervierki zamieniać 3D-instalacyjami
U dalejšym vilenski municypalitet nie budzie vydavać dazvoły na mierapryjemstvy, na jakich zapłanavany mahutnyja saluty, piša «Novaja hazieta Bałtyja».
Pry zapusku fiejervierkaŭ u atmaśfieru vykidvajucca škodnyja rečyvy, jakija niehatyŭna adbivajucca na ludziach, što pakutujuć na astmu i sardečnyja zachvorvańni. Saluty taksama pałochajuć chatnich žyvioł i ptušak.
Zychodziačy z hetaha, Vilnia vyrašyła dałučycca da jeŭrapiejskich haradoŭ, jakija ŭžo admovilisia ad fiejervierkaŭ: siarod ich — Biełastok, Hdańsk, Urocłaŭ i Varšava. Handal fiejervierkami nie budzie zabaronieny, ale ŭrad rekamienduje žycharam vykarystoŭvać ich radziej ci zusim admovicca ad ich.
Prafiesar Vilenskaha ŭniviersiteta i doktar-kardyjołah Pranas Šerpicis nahadaŭ pra traŭmaniebiaśpiečnaść salutaŭ. «Ludzi z-za chałatnaści traplajuć u adździaleńni chutkaj dapamohi z traŭmami i apiokami paśla sprob zapuścić fiejervierk», — kaža jon. Na dumku miedyka, śviata bieź fiejervierkaŭ pavysić biaśpieku.
Nahadajem, što dniami stała viadoma, što ŭ Minsku na novy hod upieršyniu nie budzie salutu. Haradskija ŭłady kažuć, što heta nie hałoŭny atrybut Novaha hoda, i abiacajuć, što i bieź fiejervierkaŭ budzie viesieła. Ale, u paraŭnańni ź Vilniaj, padobna, minčukam alternatyvy nie prapanujuć.
Ciapier čytajuć
17‑hadovy chłopiec žyvie ŭ padvale. Jon zaharnuŭsia ŭ čyrvona-zialony ściah, kab Łukašenka źviarnuŭ na jaho ŭvahu5
Kamientary