vyjavili i kanfiskavali supracoŭniki pravaachoŭnych orhanaŭ u kvatery 22‑hadovaha žychara Viciebska.
Ab hetym paviedamili BiełaPAN u adździele infarmacyi i hramadskich suviaziej UUS Viciebskaha abłvykankama.
Adnapakajovaja kvatera pa vulicy Voinaŭ‑internacyjanalistaŭ faktyčna ŭjaŭlała saboj chatniuju aranžareju dla vyroščvańnia kanapiel. Kadki z narkatyčnaj raślinaj stajali pa ŭsioj kvatery, navat u vannym pakoi.
Niekalki dzion tamu ŭ žytle maładoha čałavieka adbyŭsia pažar. Vierahodnaj pryčynaj uzharańnia stała karotkaje zamykańnie ŭ elektraabstalavańni, z dapamohaj jakoha ažyćciaŭlaŭsia dohlad za raślinami: u kvatery byli ŭstanoŭleny sistema vientylacyi, štučnaje aśviatleńnie sa šmatlikimi lampami, pavyšajučyja transfarmatary.
U dačynieńni da haspadara kvatery raspačata sprava pa č. 1 art. 328 Kryminalnaha kodeksa Respubliki Biełaruś (niezakonny abarot narkatyčnych srodkaŭ, psichatropnych rečyvaŭ i prekursoraŭ), jakaja praduhledžvaje pakarańnie ŭ vyhladzie abmiežavańnia voli na termin da piaci hadoŭ ci pazbaŭleńnia voli na termin ad dvuch da piaci hadoŭ.
Kamientary