Prezident Rasii ŭ intervju prahramie «Maskva. Kreml. Pucin» abaznačyŭ svajo staŭleńnie da taho, što adbyvajecca na biełaruska-polskaj miažy.
«Rasija hatovaja ŭsialak sadziejničać vyrašeńniu situacyi ź mihrantami, jakaja skłałasia na miažy Biełarusi i ES, kali ad jaje niešta budzie zaležać». Pra heta paviedamiŭ Uładzimir Pucin u efiry telekanała «Rasija-1», piša TASS.
«Kali my čujem zajavy abo abvinavačvańni na naš adras, chaču ŭsim skazać: zajmiciesia svaimi ŭnutranymi prablemami, nie pierakładajcie ni na kaho svaje ŭłasnyja pytańni, jakija padlahajuć vyrašeńniu vašymi viedamstvami adpaviednaha kirunku. Ale my hatovyja ŭsialak sadziejničać hetamu [vyrašeńniu situacyi], kali, viadoma, ad nas tut što-niebudź budzie zaležać», — skazaŭ Pucin.
«Pra toje, što adbyvajecca na polska-biełaruskaj miažy, ja asabista daviedaŭsia sa ŚMI, nikoli nie abmiarkoŭvaŭ hetaje pytańnie z Łukašenkam raniej. Tolki voś kali paŭstaŭ hety kryzis, my ź im dvojčy pa telefonie razmaŭlali», — rastłumačyŭ Pucin.
Kamientary