U Tbilisi pačaŭsia sud nad Saakašvili, ale jaho na praces nie pryvieźli
U Tbiliskim haradskim sudzie 10 listapada pačaŭsia razhlad spravy byłoha prezidenta Hruzii Michaiła Saakašvili. Jon prachodzić abvinavačanym pa spravie ab razhonie mitynhu apazicyi ŭ listapadzie 2007 hoda. Tady suprać demanstrantaŭ palicyja prymianiła śpiecsrodki, paciarpieli niekalki sotniaŭ čałaviek, paviedamlaje meduza.io.
Na pieršaje pasiedžańnie suda Saakašvili, jaki znachodzicca pad aryštam, nie puścili. Jak abjaviła cpiecyjalnaja pienitencyjarnaja słužba Hruzii, takoje rašeńnie było pryniata dla biaśpieki byłoha prezidenta.
«Saakašvili spyniŭ lačeńnie, i jaho pieravod na sudovy praces i prysutnaść ujaŭlajuć dadatkovuju ryzyku dla jaho zdaroŭja», — cytuje TASS zajavu Miniusta Hruzii.
Saakašvili 1 kastryčnika byŭ aryštavany ŭ Hruzii, kudy viarnuŭsia praz 8 hadoŭ emihracyi. Były prezident paśla aryštu abjaviŭ haładoŭku. Na 39-y dzień haładoŭki jaho pieraviali ŭ turemny špital, adnak prymać miedycynskuju dapamohu Saakašvili admoviŭsia.
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary