Bulbu varać, smažać, parać. A šviedy navučylisia rabić ź jaje małako
Z bulby možna zrabić šmat roznych straŭ — naprykład, jaje smažać, tušać, varać i zapiakajuć. Ale, jak akazałasia, u Šviecyi vyrašyli vyrablać z bulby niešta kardynalna novaje — małako.
U lutym brytanskaja sietka supiermarkietaŭ Waitrose pačnie pradavać bulbianoje małako šviedskaj marki Dug. Napoj nazyvajuć samym ekałahična biaśpiečnym siarod usich varyjantaŭ raślinnaha małaka, a jaho formuła była stvoranaja ŭ šviedskim Łundskim univiersitecie, piša Guardian.
Bulbianoje małako ličać ekałahičnym, tamu što bulba patrabuje mienš resursaŭ padčas vyroščvańnia. Naprykład, kali paraŭnać jaje ź mindalom, syravinaj dla inšaha vidu raślinnaha małaka, dla rostu bulby treba ŭ 56 razoŭ mienš vady.
Dla ekałohii taksama važna vykarystoŭvać ziamlu racyjanalna i vyroščvać nastolki šmat ježy na kvadratnym mietry pola, nakolki heta mahčyma. Takoje patrabavańnie źviazana z tym, što ŭ śviecie isnuje abmiežavanaja kolkaść ziamli, prydatnaj dla vyroščvańnia ježy. I tut bulbianoje małako taksama siabie dobra prajaŭlaje, tamu što bulba daje, naprykład, u dva razy bolšy ŭradžaj na adzinku płoščy, čym avios, ź jakoha taksama vyrablajuć raślinnaje małako.
Narešcie, pradstaŭniki Dug kažuć, što bulbianoje małako maje dobry i miakki smak. Kampanija stvaryła jaho asobnuju viersiju dla vykarystańnia ŭ kavavych napojach. Brytanija — druhaja kraina paśla Šviecyi, dzie bulbianoje małako źjavicca ŭ prodažy.
Ciapier čytajuć
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła2
Zahinuŭ były palitviazień Alaksiej Laŭkievič. Jaho vyzvalili try miesiacy tamu paśla vizitu Koŭła
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu3939
Kamientary