U palitźniavolenaj Natalli Chierše źjaviłasia prablema, źviazanaja sa zdaroŭjem. U jaje pačali vypadać vałasy: chutka i ŭ vialikaj kolkaści, ale patrebnyja leki pieradać pakul niemahčyma. Pra heta pravaabaroncam raspavioŭ brat Natalli Hienadź Kaśjan.
U Natalli Chierše adbyŭsia harmanalny zboj. Jašče ŭ Šviejcaryi doktar Natalli pryznačyŭ joj dziela hetaha śpiecyjalny preparat. Ale lekarka mahiloŭskaj turmy (dzie zaraz adbyvaje pakarańnie Natalla) nie paličyła patrebnym pryznačyć joj hety ž preparat. Chacia Natalla Chierše jaje vielmi pra heta prasiła, adznačaje Hienadź. Tamu hety preparat pieradać dla Natalli ŭ turmu pakul niemahčyma.
Raniej Natalla Chierše prymała hety harmanalny preparat padčas svajho žyćcia ŭ Šviejcaryi. Zaraz jana źviazvaje pryčynu vypadzieńnia vałasoŭ z adsutnaściu pryjomu hetych harmonaŭ. Jak adznačaje jaje brat, praces vypadzieńnia vałasoŭ paskoryŭsia ciaham apošnich dvuch miesiacaŭ.
Taksama siońnia, 20 kastryčnika, u Natalli Chierše dzień narodzinaŭ — joj spaŭniajecca 52 hady. Hienadź Kaśjan zaklikaje ŭsich dasyłać Natalli vinšavańni. Adras: Turma № 4, 212011, h. Mahiloŭ, vuł. Krupskaj, 99A.
7 śniežnia 2020 hoda Natallu Chierše asudzili da dvuch z pałovaj hadoŭ kałonii pa artykule 363 Kryminalnaha kodeksa (supraciŭ supracoŭniku orhanaŭ unutranych spraŭ abo inšaj asobie, jakaja achoŭvaje hramadski paradak). 27 vieraśnia jaje z homielskaj kałonii pieraviali ŭ mahiloŭskuju turmu №4. Chierše maje padvojnaje hramadzianstva — Biełarusi i Šviejcaryi.
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?20
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci44
Za dva dni na vyratavalny ŭkoł Ksiušy z Mahilova sabrali rekordnyja $300 tysiač. Mama zdała jaje ŭ dzietdom, a čužyja ludzi bjucca za žyćcio dziciaci4
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3333
Kamientary