Huceryjeŭ apratestuje ŭ Sudzie Jeŭrasajuza ŭklučeńnie ŭ sankcyjnyja śpisy z-za suviazi z Łukašenkam
Rasijski miljarder Michaił Huceryjeŭ (60-je miesca ŭ rejtynhu Forbes) padaŭ pazoŭ u Sud Jeŭrsajuza ŭ Luksiemburhu z patrabavańniem pryznać niezakonnymi sankcyi ES, uviedzienyja suprać jaho ŭ suviazi ź situacyjaj u Biełarusi. Infarmacyja ab pazovie apublikavanaja ŭ časopisie Jeŭrasajuza, pieradaje RBK.
U abhruntavańnie pazovu pryvodziacca try dovady:
Rada Jeŭrasajuza dapuściła vidavočnuju pamyłku ŭ acency, paličyŭšy zdavalniajučymi kryteryi dla ŭklučeńnia Huceryjeva ŭ sankcyjny śpis;
Rada parušyła asnoŭnyja pravy zajaŭnika, uklučajučy prava na pryvatnaje žyćcio, abaronu, ułasnaść i svabodu viadzieńnia biznesu;
Tłumačeńnie kryteryjaŭ uklučeńnia ŭ śpis, jakija majuć na mecie lubuju formu padtrymki abo vyhady, — niezakonnaje.
Michaił Huceryjeŭ 21 červienia trapiŭ pad sankcyi ES suprać Biełarusi, uviedzienyja ŭ tym liku ŭ suviazi z vymušanaj pasadkaj rejsa Ryanair u Minsku, na jakim lacieŭ Raman Pratasievič. Rada ES patłumačyła ŭviadzieńnie sankcyj suprać rasijskaha biznesmiena tym, što jon daŭni siabar Łukašenki i dziakujučy hetamu maje ŭpłyŭ u palityčnaj elicie Biełarusi.
Dniami stała viadoma, što takija ž pazovy ŭ Sud Jeŭrasajuza padali padsankcyjnyja MAZ, BiełAZ i «Biełaeranavihacyja».
-
Pa bazie Bundeśviera ŭ Iardanii nanieśli rakietny ŭdar, paciarpiełych niama
-
Litva nie była hatovaja da adkryćcia tajvańskaha pradstaŭnictva, jano stała pamyłkaj — śpikier Siejma
-
Piać iranskich futbalistak atrymali aŭstralijskija vizy — u Iranie ich nazvali «zdradnicami» za admovu śpiavać himn pierad matčam
Ciapier čytajuć
«U mianie na stale piać hadoŭ lažała papiera ź pieradačaj prava apieki nad synam». Volha Sieviaryniec — pra hady strachu, antydepresanty i nadzieju1414
Kamientary