Pavodle niekatorych artykułaŭ Kryminalnaha kodeksa eks‑prakuroru Minskaj vobłaści pahražaje ad 8 da 15 hadoŭ pazbaŭleńnia voli.
Viarchoŭny sud Biełarusi prystupić da razhladu kryminalnaj spravy byłoha prakurora Minskaj vobłaści Michaiła Śniehira 10 žniŭnia. Pra heta BIEŁTA paviedamili ŭ pres‑słužbie Viarchoŭnaha suda.
Słuchańni projduć u zakrytym režymie.
Michaił Śniahir abvinavačvajecca ŭ złoŭžyvańni słužbovymi paŭnamoctvami (č.3 art.424 Kryminalnaha kodeksa Biełarusi), atrymańni chabaru (č.3 art.430) i zachoŭvańni bojeprypasaŭ (č.2. art.295). U pryvatnaści, miarkujecca, što były prakuror niezakonna pabudavaŭ na padstaŭnuju asobu katedž, acenačny košt jakoha składaje 350 miljonaŭ rubloŭ.
Materyjały kryminalnaj spravy naličvajuć 38 tamoŭ.
Pavodle niekatorych artykułaŭ eks‑prakuroru Minskaj vobłaści pahražaje ad 8 da 15 hadoŭ pazbaŭleńnia voli.
Pavodle hetaj kryminalnaj spravy prachodzić taksama były kiraŭnik AAT «Zabudova» Michaił Kudziełka. Jamu vystaŭlenyja abvinavačvańni ŭ ździajśnieńni złačynstvaŭ, praduhlełžanych č.2 art.431 (davańnie chabaru) i č.2 art.424 (złoŭžyvańnie słužbovymi paŭnamoctvami.
Kamientary