Pamior žurnalist i piśmieńnik Kanstancin Sieviaryniec, baćka Paŭła Sieviarynca
Kanstancin Paŭłavič chvareŭ na karanavirus. Jamu było 69 hadoŭ.
Sumnuju viestku paviedamiła ŭ fejsbuku jaho dačka Hanna Sieviaryniec.
Kanstancin Sieviaryniec naradziŭsia 4 vieraśnia 1952 hoda va Unorycy na Homielščynie, jon byŭ piśmieńnikam, žurnalistam, pierakładčykam, aŭtaram dziciačych knižak.
Niekalki dzion tamu jany z žonkaj Taćcianaj zachvareli na karanavirus i Kanstancin Sieviaryniec praz słaboje serca trapiŭ u reanimacyju.
U Taćciany i Kanstancina troje dziaciej: Hanna, Pavieł i Darja.
Žonka Paŭła Volha Sieviaryniec u videazvarocie prosić, kab Paŭła, asudžanaha pa siem hadoŭ kałonii, adpuścili na pachavańnie taty.
«Źviartajemsia da arhanizacyj, dypłamataŭ i prosta dobrych ludziej. My robim dla hetaha što možam. Prosim ab malitvie za dušu Kanstancina Paŭłaviča», — kaža jana.
Pachavańnie adbudziecca va Unorycy.
«Jak tata i chacieŭ, pachavany jon budzie na radzimie. Uličvajučy, što my zabirajem jaho z kavidnaj reanimacyi, a taksama toje, što ŭ samoj vioscy taksama kavid i, akramia našaha, tam adbuducca jašče kavidnyja pachavańni, raźvitańnie i pachavańnie budzie ŭ vuzkim kole svajakoŭ. Vybačajemsia pierad tymi, chto chacieŭ by asabista raźvitacca z našym tatam, prosim zhadać jaho dobrym słovam i pamiatać», — napisała Hanna Sieviaryniec.
Ciapier čytajuć
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni14
Bieśpiłotnik, jaki ŭpaŭ u Minsku, prylacieŭ z boku Barysava — šmatlikija śviedčańni
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary