Памёр журналіст і пісьменнік Канстанцін Севярынец, бацька Паўла Севярынца
Канстанцін Паўлавіч хварэў на каранавірус. Яму было 69 гадоў.
Сумную вестку паведаміла ў фэйсбуку яго дачка Ганна Севярынец.
Канстанцін Севярынец нарадзіўся 4 верасня 1952 года ва Унорыцы на Гомельшчыне, ён быў пісьменнікам, журналістам, перакладчыкам, аўтарам дзіцячых кніжак.
Некалькі дзён таму яны з жонкай Таццянай захварэлі на каранавірус і Канстанцін Севярынец праз слабое сэрца трапіў у рэанімацыю.
У Таццяны і Канстанціна трое дзяцей: Ганна, Павел і Дар'я.
Жонка Паўла Вольга Севярынец у відэазвароце просіць, каб Паўла, асуджанага па сем гадоў калоніі, адпусцілі на пахаванне таты.
«Звяртаемся да арганізацый, дыпламатаў і проста добрых людзей. Мы робім для гэтага што можам. Просім аб малітве за душу Канстанціна Паўлавіча», — кажа яна.
Пахаванне адбудзецца ва Унорыцы.
«Як тата і хацеў, пахаваны ён будзе на радзіме. Улічваючы, што мы забіраем яго з кавіднай рэанімацыі, а таксама тое, што ў самой вёсцы таксама кавід і, акрамя нашага, там адбудуцца яшчэ кавідныя пахаванні, развітанне і пахаванне будзе ў вузкім коле сваякоў. Выбачаемся перад тымі, хто хацеў бы асабіста развітацца з нашым татам, просім згадаць яго добрым словам і памятаць», — напісала Ганна Севярынец.
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі6
Мацкевіч: Не пара аспрэчваць лідарства Ціханоўскай. Яна вельмі добрая ў якасці лідаркі
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары