Hałoŭny redaktar rasijskaj «Kamsamołki» prakamientavaŭ błakiroŭku biełaruskaj viersii sajta
Hałoŭny redaktar rasijskaj «Kamsamolskaj praŭdy» Uładzimir Sunhorkin prakamientavaŭ błakiroŭku biełaruskaj viersii. Jon paviedamiŭ RBK, što ŭ rasijskich ŚMI daŭno ŭźnikajuć ciažkaści ŭ Biełarusi.
«U Biełarusi ŭžo bolš za hod zabaraniajuć raspaŭsiudžvać, drukavać «Kamsamolskuju praŭdu». Ličać, što my niapravilna aśviatlajem padziei ŭ Biełarusi, upeŭnienyja, što nielha tak pisać pra Biełaruś, jak heta robim my», — raspavioŭ Sunhorkin.
Sam jon ličyć, što vydańnie «całkam sumlenna» aśviatlaje stanovišča spraŭ u krainie. Pavodle jaho słoŭ, hazieta źviartałasia da biełaruskich uładaŭ, u tym liku da prezidenta Alaksandra Łukašenki, adnak biezvynikova.
Sajt kp.by pierastaŭ adkryvacca siońnia ranicaj. Učora žurnalisty vydańnia ŭziali kamientar u adnakłaśnicy zabitaha Andreja Zielcera. Heta vyklikała chvalu abureńnia i abraz u praŭładnych telehram-kanałach.
Sajt nie adkryvajecca ni ŭ Biełarusi, ni za miažoj. Na jaho miescy — standartnaja zahłuška Mininfarma.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Aryštavany dyrektar Pałaca Respubliki, adzin z arhanizataraŭ Marafona adzinstva9
Kamientary