Krynicy: zatrymany viadomy biznesmien, ułaśnik «Tytana», «Civali» i «Truma», jon sam napisaŭ na siabie zajavu
Jak stała viadoma «Našaj Nivie», zatrymany bujny dziejač staličnaj nieruchomaści — Vital Sinicki. Jon kiruje kampanijaj «Sihmapolus», jakoj naležać minskija biznes-centry «Tytan», «Civali», «Arłan», «Chvala» (jaje aranduje Wargaming), «Ankor», handlovy centr «Trum», prambaza na Hurskaha i hetak dalej. Taksama Sinicki zajmajecca zabudovaj učastka nasuprać teatra Muzkamiedyi na Niamizie.
U śviežym rejtynhu paśpiachovych i ŭpłyvovych biznesmienaŭ ad «Ježiednievnika» Sinicki zajmaje 38 miesca.
Miž tym nam viadoma, što zatrymańnie Sinickaha adbyłosia ŭ vyniku niedarečnaha łancužka padziej.
Pavodle infarmacyi krynic, Sinicki, nazirajučy za situacyjaj ź biznesami ŭ pytańni hetak zvanaha «drableńnia biznesu» ( u pryvatnaści za kampanijaj «21vek»), vyrašyŭ padstrachavacca i napisaŭ na siabie zajavu ŭ padatkovuju z prośbaj pravieści pravierku jaho spravaŭ.
«Maŭlaŭ, padazraju, što ŭ mianie taksama mohuć być niejkija vypadki, jakija vami mohuć traktavacca jak drableńnie. Praviercie i patłumačcie, jak pryvieści ŭsio ŭ adpaviednaść z zakonam», — raskazvajuć našy surazmoŭcy.
Pravierka pa vynikach zajavy adbyłasia. Na minułym tydni Sinicki čakaŭ ahučvańnia vynikaŭ. Ale na suviaź jon nie vychodzić užo ź sierady 22 vieraśnia.
Žonka Sinickaha ŭ razmovie z «Našaj Nivaj» skazała, što nie choča kamientavać infarmacyju pra aryšt muža.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii8
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu13
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary