«Bobrujskij kuŕjer» viarnuli ŭ šapiki. Nie suprać viarnuć i «Volnaje Hłybokaje». Astatnim rehijanalnym hazietam admoŭlena. Viartajuć, takim čynam, tolki dva vydańni z najmienšym tyražom.
«Bobrujskij kuŕjer» viarnuli ŭ šapiki. Nie suprać viarnuć i «Volnaje Hłybokaje». Astatnim rehijanalnym hazietam admoŭlena. Viarnuli tolki dva vydańni z najmienšym tyražom.
4 červienia adbyłosia druhoje pasiadžeńnie Kaardynacyjnaj rady pa ŚMI. U vyniku abmierkavańniaŭ było zajaŭlena, što rada parekamienduje «Biełpošcie» i «Sajuzdruku» ŭznavić raspaŭsiud niezaležnych vydańniaŭ, jakija ciapier znachodziacca pa-za aficyjnymi sietkami.
Nasamreč va ŭsie redakcyi rehijanalnych ŚMI pryjšli listy za podpisam hałoŭnaha redaktara «Sovietskoj Biełoruśsii» Paŭła Jakuboviča z prapanovaj źviarnucca ŭ miascovyja adździaleńni «Biełpošty» i «Sajuzdruki».
Praŭda, dabicca niečaha zmoh tolki «Bobrujskij kuŕjer». Užo ad sierady hazieta znoŭ pradajecca ŭ šapikach. U padpiscy ž jana była i dahetul.
Hałoŭny redaktar «Volnaha Hłybokaha» Uładzimir Skrabatun kaža, što «Viciebski abłsajuzdruk» nie suprać, kab vydańnie znoŭ źjaviłasia ŭ kijoskach. Tam taksama atrymali list ad imia Paŭła Jakuboviča. Što praŭda, Skrabatun pakul nie padaje dakumienty, bo zaniaty pierarehistracyjaj formy ŭłasnaści haziety.
A voś «Borisovskim novostiam», «Haziecie Słonimskaj», «Intex-press» było admoŭlena. Hałoŭny redaktar baranavickaha «Intex-press»
Uładzimir Janukievič kaža, što ŭsie nieabchodnyja papiery jany padali adrazu ž paśla pasiadžeńnia rady. Z «Biełsajuzdruku» adkazali, što «pryjom vydańnia nie ŭjaŭlajecca mahčymym», a «Biełpošta» viartańnie ŭ padpisku paličyła «niemetazhodnym».
Ciapier čytajuć
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava6
Ad sačeńnia za top-mieniedžarami da pikantnych dram XIX stahodździa. Jak pracuje detektyŭnaje ahienctva «Reks» Alaksandra Azarava
Fiaduta rezka adkazaŭ Kaleśnikavaj: Za što vy zmahalisia ŭ 2020 hodzie, nie cikavić nikoha, akramia miadźviedziaŭ ź bierlinskaha zaaparka, jakija vas atačajuć4444
Kamientary