Novy ŭkaz ab sudździach: jak minimum troje, što vynosili palityčnyja rašeńni, syšli ŭ adstaŭki
Apublikavany novy ŭkaz Łukašenki ab pryznačeńni i vyzvaleńni sudździaŭ. Zvalniajucca z pasad 12 sudździaŭ, ale niekatoryja ź ich zvalniajucca tolki z pasady staršyni, praciahvajučy pracavać šarahovym sudździoj. Całkam sychodziać prynamsi try sudździ, čyje proźviščy fihurujuć u archivie vyniasieńnia palityčnych rašeńniaŭ u 2020 hodzie.
Tak, vyzvaleny ad pasady sudździa hrodnienskaha abłasnoha suda Uładzimir Jaŭchuta, jaki 16 žniŭnia asudziŭ na 3 hady i 6 miesiacaŭ kałonii ahulnaha režymu haradzienca Leanida Hierasimluka za nibyta «zakliki da dziejańniaŭ, nakiravanych na naniasieńnie škody nacyjanalnaj biaśpiecy Respubliki Biełaruś praź internet (č. 3 art. 361 KK RB)».
Hierasimluk pryznany palitviaźniem. Jaŭchuta admoviŭ jamu ŭ vykliku na sud supracoŭnikaŭ HUBAZiKa, jakija, sa słovaŭ haradzienca, jaho źbivali i akazvali cisk na chvoruju maci.
Taksama zvolniena staršynia suda Hłusskaha rajona Nina Doŭhich. U publičnych bazach majucca zhadki što ŭ 2020 hodzie jana prysudziła 25 bazavych vieličyń pa palityčnym artykule 23.34.
Nie budzie bolš pracavać sudździoj i Maryna Levančuk z suda Maskoŭskaha rajona Bresta. U 2020 hodzie jana prysudziła pa palityčnych artykułach 5 i 10 sutak, a taksama štraf u 20 bazavych vieličyń.
Usie jany zvolnieny ŭ suviazi z «vychadam u adstaŭku».
Ciapier čytajuć
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary