Padčas naviedvańnia Pietrykaŭskaha horna-ŭzbahačalnaha kambinata Alaksandr Łukašenka prakamientavaŭ parazu zbornaj Biełarusi ad Polščy ŭ kvalifikacyi chakiejnaha turniru da Alimpijady-2022 i vystup na Alimpijadzie ŭ Tokia. Jaho słovy cytuje Puł pieršaha.
«Vakoł pavinna žyćcio kipieć, kali ŭkłali hrošy. A tak budzie jak učora, pajechali vialikija chakieisty i prajhrali Polščy. Tam chakiej naohuł nie papularny, zajmajecca 20 čałaviek, a ty im hrošy, hrošy, hrošy [źviartajecca da kiraŭnika «Biełaruśkalija» Ivana Hałavataha, jaki spansuje sport — NN]».
«Hladzi z hrašyma, ja ŭžo ministra [sportu] papiaredziŭ, i Hałoŭčanku. Nu daj Biełaruśkalij, daj. Nu daść Biełaruśkalij, ale ty daj vynik. A to my pajechali ździvili ŭvieś śviet u Tokia, ździvili ŭsich sa znakam minus, ty ŭsie hetyja kasiaki viedaješ, a my finansujem. Fizkultura jość, a vialikaha sportu niama, tamu što nie pradumana», — skazaŭ Łukašenka.
***
Na Alimpijadzie ŭ Tokia Biełaruś zavajavała siem miedaloŭ (adzin załaty, try siarebranyja, try bronzavyja). Heta najhoršy vynik za ŭsie časy vystupu niezaležnaj kamandaj. U Rya-2016 było 9 miedaloŭ (1+4+4).
Na kvalifikacyjnym turniry ŭ Bracisłavie ŭ čaćvier Biełaruś prajhrała Polščy, jakaja vystupaje na čempijanatach śvietu ŭ trecim dyvizijonie, ź likam 0:1. Siońnia — matč z Aŭstryjaj, u niadzielu — sa Słavakijaj. Kab prabicca na Alimpijadu ŭ Piekinie, treba zaniać pieršaje miesca ŭ hrupie. U 2014 i 2018 hadach biełaruskija chakieisty nie hulali na Alimpijadzie.
Ciapier čytajuć
Byłoha milicyjaniera asudzili za žadańnie vajavać u Pałku Kalinoŭskaha. Pahražała da 15 hadoŭ kałonii6
Kamientary