Jeŭrasajuz pryznaŭ vydadzienyja va Ukrainie siertyfikaty ab vakcynacyi
Jeŭrapiejskaja kamisija (JEK) pryznała sapraŭdnymi na terytoryi Jeŭrasajuza siertyfikaty ab vakcynacyi, vydadzienyja va Ukrainie i jašče ŭ dźviuch krainach — Turcyi i Paŭnočnaj Makiedonii. Pra heta havorycca ŭ paviedamleńni, apublikavanym na sajcie JEK.
Z zaŭtra, 20 žniŭnia, siertyfikaty vakcynacyi, vydadzienyja ŭ hetych krainach, buduć prymacca na terytoryi Jeŭrasajuza na tych ža ŭmovach, što i ličbavyja siertyfikaty ES. U toj ža čas Ukraina, Turcyja i Paŭnočnaja Makiedonija pahadzilisia ličyć sapraŭdnymi na svajoj terytoryi ličbavyja siertyfikaty ab vakcynacyi Jeŭrasajuza.
«Ja rady bačyć, što śpis krain, jakija ŭkaraniajuć sistemu, zasnavanuju na ličbavym siertyfikacie ES COVID, niaŭchilna raście, i my ŭstaloŭvajem standarty na mižnarodnym uzroŭni. Heta dapamoža palehčyć biaśpiečnyja padarožža, u tym liku i za miežy našaha Sajuza», — zajaviŭ z hetaj nahody kamisar ES pa pytańniach justycyi Dydje Rejnders.
Kamientary