Pra heta Alaksandr Kosiniec paviedamiŭ Alaksandru Łukašenku padčas pajezdki na pradpryjemstva «BiełVitunifarm» u Viciebskim rajonie, dzie płanujecca naładzić vypusk biełaruskaj vakcyny ad COVID-19.
Kosiniec patłumačyŭ, što na pradpryjemstvie budzie vyrablacca ŭ vialikich abjomach inaktyvavanaja vakcyna, nikudy jaje pieravozić nie treba.
Łukašenka pierapytaŭ: «Inaktyvavanaja — heta nie taja, što ŭ Rasii?»
«Nie, Alaksandr Ryhoravič, toj nie atrymaŭsia varyjant. Respublikanski centr epidemijałohii i mikrabijałohii atrymaŭ kulturu kletak, atrymaŭ adenavirus pieršaha ŭviadzieńnia, druhoha — nie zmahli…» — adkazaŭ Kosiniec.
Siužet pra heta apublikavaŭ telehram-kanał «Puł pieršaha».
Siońnia ministr achovy zdaroŭja Dźmitryj Pinievič skazaŭ, što ŭ hramadzianski abarot vakcyna pastupić u 2023 hodzie.
Kamientary