U kinafiestyvalu «Listapad» — novy arhanizatar. Tłumačym, čamu heta viartańnie ŭ 1990-ja
Arhanizataram minskaha kinafiestyvalu «Listapad» sioleta budzie nacyjanalnaja kinastudyja «Biełaruśfilm». Infarmacyja źjaviłasia na sajcie goszakupki.by. Ciapier minčanie ŭbačać zusim inšy forum.
Kinafiestyval «Listapad» źjaviŭsia ŭ 1994 hodzie. Jaho farmat lepš za ŭsio ilustrujuć nazvy. U pieršy hod forum nazyvaŭsia «Fiestyval postsavieckaha kino «Listapad»», da pačatku nulavych — Mižnarodny kinafiestyval krain SND i kran Bałtyi.
U Minsku pakazvali kino, źniataje ŭ byłych savieckich respublikach, a sam forum usprymaŭsia dastatkova pravincyjnym.
«Listapad» u sučasnym vyhladzie źjaviŭsia ŭ 2010 hodzie. Tady jaho arhanizataram staŭ pryvatny kulturny centr «ArtKarparejšn» (dyrektar Anžalika Krašeŭskaja, prahramny dyrektar hulniavoha kino Ihar Sukmanaŭ), što taksama arhanizoŭvaŭ teatralny fiestyval TEART.
Pieramožcu stała vyznačać prafiesijnaje žury. U afišy źjavilisia stužki ad takich zorak suśvietnaha kino, jak Siarhiej Łaźnica i Pavieł Paŭlikoŭski. Sam forum atrymaŭ stałuju akredytacyju Mižnarodnaj fiederacyi asacyjacyj kinapradusaraŭ.
«Listapad» staŭ fiestyvalem jeŭrapiejskaha ŭzroŭniu. Ale «Biełaruśfilm» nie maje dośviedu arhanizacyi takoha foruma i takich mižnarodnych suviaziaŭ, jak supracoŭniki «ArtKarparejšn». Da pačatku novaha foruma zastajecca ŭsiaho niekalki miesiacaŭ.
U vyniku dasiahnieńni dziasiatych hadoŭ ryzykujuć być stračanymi. Tady «Listapad» niepaźbiežna vierniecca da taho, z čaho pačynaŭ.
Ciapier čytajuć
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»30
RIA Naviny apublikavała kałonku, što Rasiju čakaje jašče adna «SVA» — ź Litvoj. A paśla vydaliła z paznakaj «Nie adpaviadaje dziaržaŭnaj palitycy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary