У кінафестывалю «Лістапад» — новы арганізатар. Тлумачым, чаму гэта вяртанне ў 1990-я
Арганізатарам мінскага кінафестывалю «Лістапад» сёлета будзе нацыянальная кінастудыя «Беларусьфільм». Інфармацыя з’явілася на сайце goszakupki.by. Цяпер мінчане ўбачаць зусім іншы форум.
Кінафестываль «Лістапад» з’явіўся ў 1994 годзе. Яго фармат лепш за ўсё ілюструюць назвы. У першы год форум называўся «Фестываль постсавецкага кіно «Лістапад»», да пачатку нулявых — Міжнародны кінафестываль краін СНД і кран Балтыі.
У Мінску паказвалі кіно, знятае ў былых савецкіх рэспубліках, а сам форум успрымаўся дастаткова правінцыйным.
«Лістапад» у сучасным выглядзе з’явіўся ў 2010 годзе. Тады яго арганізатарам стаў прыватны культурны цэнтр «АртКарпарэйшн» (дырэктар Анжаліка Крашэўская, праграмны дырэктар гульнявога кіно Ігар Сукманаў), што таксама арганізоўваў тэатральны фестываль ТЭАРТ.
Пераможцу стала вызначаць прафесійнае журы. У афішы з’явіліся стужкі ад такіх зорак сусветнага кіно, як Сяргей Лазніца і Павел Паўлікоўскі. Сам форум атрымаў сталую акрэдытацыю Міжнароднай федэрацыі асацыяцый кінапрадусараў.
«Лістапад» стаў фестывалем еўрапейскага ўзроўню. Але «Беларусьфільм» не мае досведу арганізацыі такога форума і такіх міжнародных сувязяў, як супрацоўнікі «АртКарпарэйшн». Да пачатку новага форума застаецца ўсяго некалькі месяцаў.
У выніку дасягненні дзясятых гадоў рызыкуюць быць страчанымі. Тады «Лістапад» непазбежна вернецца да таго, з чаго пачынаў.
-
Доліна спявае «За грошы — так», а Шурык прапануе дубайскі шакалад: што за трэш глядзелі ў Новы год беларусы з расіянамі
-
Серыял «Pluribus» — самы няправільны постапакаліпсіс ці нешта большае? Расказваем пра смелы мысленчы эксперымент на ТБ
-
У Беларусь завезлі «Чабурашку 2». Паглядзелі гэты расійскі хіт, каб вам не прыйшлося
Цяпер чытаюць
Адвакат Канавалава, расстралянага за тэракт у метро, упершыню расказаў, што адбывалася падчас следства55
Каментары