Što takoje «Atrady hramadzianskaj samaabarony», jakich Łukašenka abvinavaciŭ u teraryźmie?

Zatrymanyja pa «spravie čataŭ» biełarusy. Siarod inšaha, ich abvinavačvajuć u žadańni padpalić «Tabakierku»

Dyk što takoje «AHSB» — kanał, jaki biełaruskija ŭłady pryznali ekstremisckim. Heta kanał, stvorany rasijaninam Dzianisam Chromavym. Sam jon žyvie ŭ Hiermanii. Viadomy tym, što ŭ 2010-ch čytaŭ battle-rep pad psieŭdanimam D1S.

Nijakaha dačynieńnia da Biełarusi Chromaŭ nie maje, ale padčas pratestaŭ u Minsku Dzianis vyrašyŭ, što biełarusy dziejničajuć niapravilna, i z naziralnika pieratvaryŭsia va ŭskosnaha ŭdzielnika — stvaryŭ radykalny kanał i čat. 

Dzianis Chromaŭ (Chofman)

Pravakatyŭny styl kanała byŭ vidavočny: tak, administratary skidali fota palaŭničaj zbroi na fonie nacyjanalnaha bieł-čyrvona-biełaha ściaha z padvodkaj u duchu «U vas jość zbroja, jakuju vy hatovyja ŭžyć suprać karnikaŭ? Skidajcie fota ŭ naš bot! A taksama fota lubych inšych pryład, jakija mohuć nanieści škodu zdaroŭju».

Absalutna jasna, što heta čystaja pravakacyja. Navat kali b taki achvotnik znajšoŭsia, to jaho b chutka vyličyli, bo ŭsie ŭčastkovyja viedajuć, jak vyhladajuć ružžy na ich terytoryi — dastatkova zrabić rassyłku z zahadam apaznać. Ale takaja łoŭla na žyŭca praciahvałasia davoli doŭha. 

Administratary i maderatary kanała, siarod jakich, jak u nastupnym vyjaviłasia, byli supracoŭniki orhanaŭ, zaachvočvali ŭdzielnikaŭ da aktyŭnych dziejańniaŭ.

Jak vyhladaje, niekatoryja biełarusy, rasčaravanyja ŭ niemahčymaści spynić biezzakońnie mirnym šlacham, išli raicca ab dalejšych dziejańniach da Chromava i jaho ananimnych paplečnikaŭ, jakija padkazvali, što treba rabić.

Vynik vidavočny: na pakazanych kadrach «napadzieńnia na Azaronka» Dźmitryj Sasnoŭski vychodzić z mašyny razam z «paplečnikam», uzbrojenym pistaletam. Ale ni tvar paplečnika, ni jaho imia nie nazyvajucca, chacia jon i vyhladaje hałoŭnym u pracesie. Možna tolki zdahadvacca, dzie pracuje hety «saŭdzielnik».

Čytajcie taksama: Łukašenka zajaviŭ, što nočču była sproba zabojstva Azaronka

Dźmitryja Sasnoŭskaha aryštavali za toje, što apynuŭsia pobač z Azaronkam padčas «napadu».

U dni, kali Łukašenka anansavaŭ «antyterarystyčnuju apieracyju», u čacie kanała źmianiłasia avatarka i pačałosia vydaleńnie padpisantaŭ. Maŭlaŭ, čat zachopleny orhanami. Potym administratary patłumačyli — «adzin z maderataraŭ akazaŭsia pacukom». 

Natalla Maćviejeva (nik Aktavija) ciapier za kratami, bo razam z «paplečnikam» vyrašyła zładzić dyviersiju na lashasie. Akazałasia, što paplečnik i byŭ tym samym maderataram-pacukom.

Aproč taho, u kanale i ŭ čacie paśladoŭna krytykavalisia i dyskredytavalisia asnoŭnyja fihury demakratyčnaha ruchu — Śviatłana Cichanoŭskaja i jaje kamanda. Niejki čas, — mahčyma, i ad samaha startu, — rabotniki orhanaŭ źjaŭlalisia maderatarami hetaha čata, dasiahajučy svaich metaŭ. U vyniku samyja aktyŭnyja ŭdzielniki «AHSB» ciapier trapili za kraty. 

• 0
• 0
• 0
• 0
• 0
• 0
• 1
• 0