«Na vybar Fajzier i Džonsan». U Polščy biełarusaŭ vakcynujuć ad karony biaspłatna
Ciapier dla taho, kab atrymać vakcynu ad karanavirusa, nie patrebnyja anijakija inšyja dakumienty. Pra heta ŭ svaim fejsbuku napisaŭ adzin ź biełarusaŭ, jaki žyvie ŭ Polščy.
«Palaki ŭśviadomili, što chvarejuć ludzi nie pa fakcie rehistracyi, a pa fakcie faktyčnaha pražyvańnia, i z 20 červienia ŭ Varšavie arhanizavali mahčymaść pryščapicca ŭsim pa pašparcie. Razumny krok! 24 červienia hetaja mahčymaść źjaviłasia i ŭ Trajmieście (Hdańsk, Sopat, Hdynia), — piša Valancin Sakałoŭski. — Vakcynacyja biaspłatnaja, pašparta biełaruskaha dastatkova (navat vizu nie hladzieli), usio standartna — pryjšoŭ, vajskoŭcy vydali ankietu (voś čym armija zajmacca pavinna, a nie muziej kalučym drotam pa vychadnych abnosić), — zaŭvažaje mužčyna. — Potym da doktara, jaki vypisvaje nakiravańnie i pryščaplaje. Na vybar Fajzier i Džonsan, ja abraŭ druhi varyjant. Siertyfikat taksama dajuć na miescy adrazu».
Adznačym, što abiedźvie vyšejzhadanyja vakcyny dajuć bolš mahčymaściaŭ padarožničać, bo pryznajucca krainami Jeŭrasajuza. «Sputnik», jakim pryščeplivajuć u Rasii i Biełarusi, pakul što nie adobrany ŭ Jeŭropie i šerahu inšych krain.
U Polščy na siońnia pryščeplenyja choć adnoj dozaj kala 44% nasielnictva, u Biełarusi — kala 8%.
Ciapier čytajuć
«Uźnikajuć ujaŭleńni, što palitviaźni musiać być stojkimi, sabranymi, udziačnymi. A realnaść roznaja». Pahavaryli ź ludźmi, jakija vodziać departavanych litaralna za ruku66
Kamientary