«Ź Biełarusi biez soramu». Italjanskaje vydańnie patłumačyła, čamu Rym nie choča prymać pasła Anatola Hłaza
Z pytańniem zaćviardžeńnia pasła Biełarusi ŭ Italii vałendajucca ŭžo paru miesiacaŭ, piša «Karjere dela sera». I heta sihnał biełaruskamu boku.
«Davierčyja hramaty lažać i lažać. Usie ich pračytali, ale nichto nie choča brać ich u ruki. I napeŭna lažać jany zastanucca. U Kvirynalski pałac prezidentu Matarele ich adpraŭlać nie śpiašajucca», — piša infarmavanaja italjanskaja hazieta Corriere della Sera.
Vydańnie nazyvaje Alaksandra Łukašenku «apošnim tyranam Jeŭropy», a Anatola Hłaza — jaho «viernym pres-sakratarom».
«Taki čałaviek, jak Hłaz, nie moža być akredytavany ŭ jakaści dypłamata», — cytuje vydańnie čałavieka z atačeńnia Śviatłany Cichanoŭskaj, lidara biełaruskaj apazicyi, da jakoj ciapier vielmi prysłuchoŭvajucca ŭ jeŭrapiejskich stalicach.
«Ź Biełarusi biez soramu» — tak charaktaryzuje Hłaza vydańnie. I pryvodzić šmatlikija prykłady jaho ahresiŭnych i ździeklivych vykazvańniaŭ na adras jeŭrapiejskich krain, a taksama palityčnych praciŭnikaŭ Alaksandra Łukašenki i ruchu za hramadzianskija pravy i svabodnyja vybary ŭnutry krainy.
Z pytańniem zaćviardžeńnia pasła Biełarusi ŭ Italii vałendajucca ŭžo paru miesiacaŭ, piša «Karjere dela sera». I heta moža zaciahnucca dalej. Heta sposab pakazać biełaruskamu boku, što Hłazu, jaki ŭ minułym dvojčy pracavaŭ u Italii, na hety raz tam nie buduć radyja, zaklučaje vydańnie.
Kamientary