U trupu Kupałaŭskaha teatra nabrali studentaŭ. Jany vučacca na śpiecyjalnaści «narodnyja śpievy»
Trupa Nacyjanalnaha teatra imia Janki Kupały, papoŭniłasia čatyrma novymi proźviščami. Troje ź ich — studenty, jakija vučacca zusim na inšaj śpiecyjalnaści.
Adzin z novych kupałaŭcaŭ — Artur Cycura. Jon naradziŭsia ŭ 1999-m u Hrodnie, vučyŭsia ŭ miascovym kaledžy mastactvaŭ. Va Univiersitecie kultury vystupaŭ u składzie vakalna-chareahrafičnaha ansambla «Vałačobniki». Jaho staronki ŭ sacyjalnych sietkach padpisanyja pa-biełarusku.
Razam ź im u Kupałaŭski ŭziali dvuch jaho adnahrupnikaŭ. Adzin ź ich — Anton Nikišyn. Jon 2000 hoda, rodam z Ašmianaŭ. Letaś Nikišyn dy Cycura razam vystupali na ŭniviersiteckaj kanfierencyi z dakładam pra tvorčaść kampazitara Stanisłava Maniuški.
Jašče adzin ich adnahrupnik — Ivan Aksiončyk. Jon 1998 hoda naradžeńnia, rodam z Uzdy.
Adzin z vykładčykaŭ Univiersiteta kultury raskazaŭ «NN», što Aksiončyk byŭ jaho studentam: «Vielmi zdolny ŭ prafiesijnym płanie — jak dla Univiersiteta kultury. Šmat čym cikaviŭsia i zajmaŭsia samastojna, bolš čym praduhledžana vučebnym płanam. Što tyčycca ahulnačałaviečych jakaściaŭ, dobra nie viedaju. Uvohule, pryčyny, jakija prymušajuć ludziej rabić takija ŭčynki, vielmi prazaičnyja. Bolšaść — heta ŭsio ludzi z hłybokaj depresiŭnaj pravincyi, jakija čaplajucca za lubyja šancy palepšyć svoj sacyjalny i materyjalny stan».
Chłopcy pastupili ŭ VNU ŭ 2019 hodzie. Ich pryniali na biudžet na śpiecyjalnaści «śpievy (narodnyja)». To-bok jany navat nie vučacca na akcioraŭ.
U Kupałaŭskim ich vykarystoŭvajuć u masoŭcy. Usie troje vychodziać u adnych i tych ža rolach: Chłopca (u «Paŭlincy») dy Anioła ŭ «Čornaj Pańnie Niaśviža».
Taksama ŭ Kupałaŭski ŭziali aktrysu Kaciarynu Kačan. Jana minčanka, naradziłasia ŭ 1992-m. U 2015-m skončyła Akademiju mastactvaŭ.
Aksiončyk i Nikišyn admovilisia dać kamientar «Našaj Nivie», źviazacca z Cycuram i Kačan nie ŭdałosia.
Chto naohuł pracuje ŭ Kupałaŭskim? Zaraz u trupie 23 čałavieki. Dziesiać ź ich zastalisia ŭ teatry paśla žnivieńskich padziej (pryčym adna ź ich, Halina Arłova, daŭno nie vychodzić na scenu). Astatnich 13 uziali praz kastynhi.
Čaćviora z navičkoŭ užo majuć prafiesijnuju adukacyju, astatnija dzieviać — studenty Univiersiteta kultury.
Za hod dziaržaŭny Kupałaŭski nie pastaviŭ nivodnaha novaha śpiektakla, tolki adnaviŭ try staryja, što ŭžo išli na scenie: «Paŭlinku», «Viečar» i «Čornuju pannu Niaśviža».
-
U Homielskim dramatyčnym teatry — kadravyja čystki. Znoŭ praz «palityku»
-
«Budzie śmiešna i baluča»: «Kupałaŭcy» prezientujuć zaŭtra novy śpiektakl. U hałoŭnych rolach — Manajeŭ, Biełachvościk, Harcujeva
-
«Rašeńnie pryjšło zvonku». Što adbyvajecca ŭ viciebskim teatry, dzie ŭ śpiektakli prahučała «Žyvie Fłandryja!» i pačałasia čarada zvalnieńniaŭ?
Ciapier čytajuć
Łukašenka patłumačyŭ, čamu jaho nie vidać pa sieradach i subotach20
Łukašenka patłumačyŭ, čamu jaho nie vidać pa sieradach i subotach
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary