Maskva nie źbirajecca ŭmiešvacca ŭ pracesy, źviazanyja z kryminalnym pieraśledam va Ukrainie deputata Viarchoŭnaj Rady, staršyni partyi «Apazicyjnaja płatforma — za žyćcio» Viktara Miedviedčuka, jakoha padazrajuć u dziaržaŭnaj zdradzie, zajaviŭ pres-sakratar prezidenta Rasii Dźmitryj Piaskoŭ.
«My nie źbirajemsia ŭmiešvacca ŭ hetyja pracesy, <…> my chacieli b pierakanacca, što za hetym pieraśledam niama žadańnia pazbavicca ad palityčnych kankurentaŭ», — cytuje Piaskova RBK.
Jaho taksama spytali, ci moža Rasija dać Miedviedčuku palityčny prytułak. Na heta pradstaŭnik prezidenta Rasii adkazaŭ, što, nakolki ŭ Kramli viadoma sa ŚMI, Miedviadčuk znachodzicca va Ukrainie i nie źviartaŭsia pa prytułak.
***
Napiaredadni ŭ dom da Miedviedčuka pryjšli supracoŭniki SBU ź pieratrusami. Paźniej stała viadoma, što jamu vystavili abvinavačvańni ŭ dziaržaŭnaj zdradzie i kradziažy nacyjanalnych resursaŭ u Krymie.
Hienprakuror Ukrainy Iryna Vieniadziktava ŭdakładniła, što abvinavačvańnie vystavili pa troch epizodach: datyčna radovišča «Hłybokaje» ŭ Čornym mory i, na dumku ŭładaŭ, «pieraŭstupcy» pravoŭ na jaho «kamu-niebudź z Rasii»; pieradačy danych ab znachodžańni sakretnaha vajennaha padraździaleńnia armii Ukrainy; stvareńni arhanizacyi, metaj jakoj, ličać u Hienprakuratury, była viarboŭka ŭkraincaŭ i raspaŭsiudžvańnie prapahandy.
Miedviadčuk zajaviŭ, što jaho pieraśled nosić palityčnyja matyvy i źjaŭlajecca «raspravaj za pryncypovuju palityčnuju pazicyju».
Jon padkreśliŭ, što znachodzicca va Ukrainie i nie źbirajecca chavacca ad zakona, a budzie damahacca spraviadlivaści.
Ciapier čytajuć
Łukašenka zajaviŭ pra hatoŭnaść pryjechać u Kijeŭ54
Kamientary