Масква не збіраецца ўмешвацца ў працэсы, звязаныя з крымінальным пераследам ва Украіне дэпутата Вярхоўнай Рады, старшыні партыі «Апазіцыйная платформа — за жыццё» Віктара Медведчука, якога падазраюць у дзяржаўнай здрадзе, заявіў прэс-сакратар прэзідэнта Расіі Дзмітрый Пяскоў.
«Мы не збіраемся ўмешвацца ў гэтыя працэсы, <…> мы хацелі б пераканацца, што за гэтым пераследам няма жадання пазбавіцца ад палітычных канкурэнтаў», — цытуе Пяскова РБК.
Яго таксама спыталі, ці можа Расія даць Медведчуку палітычны прытулак. На гэта прадстаўнік прэзідэнта Расіі адказаў, што, наколькі ў Крамлі вядома са СМІ, Медвядчук знаходзіцца ва Украіне і не звяртаўся па прытулак.
***
Напярэдадні ў дом да Медведчука прыйшлі супрацоўнікі СБУ з ператрусамі. Пазней стала вядома, што яму выставілі абвінавачванні ў дзяржаўнай здрадзе і крадзяжы нацыянальных рэсурсаў у Крыме.
Генпракурор Украіны Ірына Венядзіктава ўдакладніла, што абвінавачванне выставілі па трох эпізодах: датычна радовішча «Глыбокае» ў Чорным моры і, на думку ўладаў, «пераўступцы» правоў на яго «каму-небудзь з Расіі»; перадачы даных аб знаходжанні сакрэтнага ваеннага падраздзялення арміі Украіны; стварэнні арганізацыі, мэтай якой, лічаць у Генпракуратуры, была вярбоўка ўкраінцаў і распаўсюджванне прапаганды.
Медвядчук заявіў, што яго пераслед носіць палітычныя матывы і з'яўляецца «расправай за прынцыповую палітычную пазіцыю».
Ён падкрэсліў, што знаходзіцца ва Украіне і не збіраецца хавацца ад закона, а будзе дамагацца справядлівасці.
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары