Hareła śviatynia ŭ Budsłavie. Abraz Maci Božaj Budsłaŭskaj udałosia ŭratavać
Siońnia ranicaj zahareŭsia dach kaścioła ŭ Budsłavie — sanktuaryja Maci Božaj Budsłaŭskaj, adnaho z samych vieličnych kaściołaŭ Biełarusi.
Na likvidacyju pažaru źjechalisia bryhady z usich susiednich rajonaŭ Minskaj i Viciebskaj abłaściej. A vierniki kinulisia vynosić kaštoŭnaści.
Cudadziejny abraz Maci Božaj Budsłaŭskaj uratavali. Voś videa, jak jaho vynosili:
Na žal, ahoń raspaŭsiudziŭsia na ŭvieś dach, i toj abvaliŭsia prykładna praz try hadziny paśla vyjaŭleńnia pažaru.
Praź niekalki hadzin paśla pačatku pažaru dajechali bryhady ź Minska. Hałoŭnaj zadačaj na hetym etapie było ŭratavać viežy i fasad, a taksama — arhan. Voś videa karespandentaŭ «Našaj Nivy»:
U Budsłaŭ pryjechali katalickija biskupy Kazimir Vialikasielec, Tadevuš Kandrusievič, Aleh Butkievič, Alaksandr Jašeŭski.
Momanty pažary na fota i videa Arcioma Tkačuka, Natalli Łubnieŭskaj i Nadziei Bužan.
Napieradzie ŭ biełaruskaha naroda budzie vialikaja praca pa adnaŭleńni śviatyni. U hetym hodzie, napeŭna, fest Maci Božaj Budsłaŭskaj budzie ŭsienarodnym, budzie vialikaja chvala salidarnaści dziela adbudovy śviatyni.
Azaraŭ mocna pakryŭdziŭsia na słovy «psieŭdalidarki Cichanoŭskaj», što jaho Płan Pieramoha byŭ pamyłkaj32
Kamientary