Elektramabili: što budzie sa skarystanymi batarejami?
Vytvorčaść elektramabilaŭ raźvivajecca vielmi chutkimi tempami. Heta stavić pytańni, što rabić ź lityj-ionnymi batarejami, u jakich skončycca termin dziejańnia.
Da 2030 hoda ES spadziajecca, što na jeŭrapiejskich darohach budzie bolš za 30 miljonaŭ elektramabilaŭ. Adnak choć elektramabili nie pavialičvajuć vykidy vuhlarodu padčas vykarystańnia, ekśpiertaŭ turbuje, što budzie z batarejami, kali skončycca ich termin dziejańnia, jaki doŭžycca 10-15 hadoŭ, piša BBC.
Bolšaść kampanientaŭ elektramabilaŭ supadaje z tymi, što ŭ zvyčajnych aŭto, ale klučavaja roźnica — u batarejach. Tradycyjnyja śvincova-kisłotnyja batarei šyroka pierapracoŭvajucca, čaho nielha skazać pra lityj-ionnyja viersii, jakija vykarystoŭvajucca ŭ elektramabilach. Da taho ž lityj-ionnyja batarei majuć u svaim składzie niebiaśpiečnyja rečyvy, a taksama mohuć vybuchać padčas niapravilnaj razborki.
Tamu kiraŭnictva ES nastojvaje na tym, kab vytvorcy elektryčnych transpartnych srodkaŭ nieśli adkaznaść za toje, što budzie sa skarystanymi batarejami. I aŭtavytvorcy pačynajuć znachodzić vyjści.
Kampanija Nissan, naprykład, navučyłasia paŭtorna vykarystoŭvać batarei svaich aŭtamabilaŭ Leaf u transpartnych srodkach, jakija dastaŭlajuć detali na zavody.
Volkswagen robić toje ž samaje, ale, akramia hetaha, kampanija adkryła svoj pieršy zavod pa pierapracoŭcy akumulatarnych sistem u Hiermanii, dzie štohod płanujecca pierapracoŭvać 3600 batarej.
Bolš za toje, paśla pravilnaj pierapracoŭki možna atrymać šmat karysnych materyjałaŭ, siarod jakich kobalt, nikiel i lityj. Adnak heta masa patrabuje paŭtornaj enierhajomistaj pierapracoŭki, kab hetyja materyjały možna było vykarystoŭvać paŭtorna. Tamu mnohija jeŭrapiejskija navukovyja arhanizacyi imknucca stvaryć technałohii dla aptymizacyi pierapracoŭki batarej elektramabilaŭ.
-
Boty OpenAI atakujuć Vikipiedyju i vypraboŭvajuć jaje sistemy biaśpieki. Raspracoŭščykaŭ ŠI abvinavacili ŭ techničnym škodnictvie
-
Jak biełaruskija łaziery dapamahli daśledavańniam, za jakija sioleta ŭručyli Nobieleŭskuju premiju pa miedycynie
-
Sučasnyja mietady sudovaj ekśpiertyzy pakazali: pieršyja cary Jehipta mahli adpraŭlacca ŭ zamahilny śviet nie adny
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary