Arhanizatarka vystavy pra miedykaŭ «Mašyna dychaje, a ja — nie» Natalla Trenina zatrymanaja, jana znachodzicca na Akreścina. Pra heta raspaviała maci Natalli. Zatrymanaja i jašče adna arhanizatarka vystavy, Taćciana Hacura-Javorskaja, paviedamiŭ jaje muž, piša Tut.by.
Aktyvistka hramadskaha abjadnańnia «Źviano» i arhanizatarka vystavy «Mašyna dychaje, a ja — nie» Natalla Trenina zatrymanaja na 72 hadziny i znachodzicca na Akreścina. Pra heta paviedamiła mama Treninaj Taćciana, ź jakoj źviazaŭsia pradstaŭnik Śledčaha kamiteta. Padrabiaznaściaŭ žančynie nie ŭdałosia daviedacca.
U paniadziełak kala 14:00 Natalla Trenina pierastała vychodzić na suviaź. Pa słovach jaje maładoha čałavieka Cimura, u ich kvatery prajšoŭ pieratrus, jon doŭžyŭsia bolš za paŭtary hadziny. U pary kanfiskavali dva noŭtbuki, adzin ź jakich naležyć Cimuru, a taksama chard-dyski chłopca.
U druhoj pałovie dnia na suviaź pierastali vychodzić kiraŭnica «Źviana» i jašče adna arhanizatarka vystavy pra miedykaŭ, Taćciana Hacura-Javorskaja, a taksama jaje muž Uładzimir Javorski. Apoŭnačy Uładzimir raspavioŭ Tut.by, što Taćciana «zatrymanaja i znachodzicca ŭ IČU», detali jamu nieviadomyja. Surazmoŭca ŭdakładniŭ, što dniom u ich kvatery i ŭ ofisie «Źviana» taksama prajšli pieratrusy, kanfiskavali techniku.
Jak paźniej stała viadoma, 5 krasavika zatrymali jašče adnu aktyvistku «Źviana» — Juliju Siamienčanka. Ab tym, što ŭ jaje kvatery prajšoŭ pieratrus z kanfiskacyjaj techniki i ciapier dziaŭčyna znachodzicca ŭ IČU na Akreścina, paviedamiła jaje siastra Lizavieta.
Ekspazicyja «Mašyna dychaje, a ja — nie» zapracavała ŭ prastory «Miesca» na Revalucyjnaj tolki 30 sakavika, a ŭžo 1 krasavika sanstancyja i MNS znajšli u placoŭki parušeńni, tamu vystavu pryjšłosia pieranieści ŭ anłajn. U noč z 5 na 6 krasavika kamanda sa škadavańniem zajaviła, što «vymušanaja spynić realizacyju prahramy prajekta «Mašyna dychaje, a ja — nie».
Vystava była pryśviečanaja biełaruskim miedykam i vyklikam, ź jakimi jany sutyknulisia za apošni hod: pandemijaj COVID-19 i palityzacyjaj sistemy achovy zdaroŭja. Aŭtary rabot, pradstaŭlenych na vystavie, — viadomyja fatohrafy i mastaki. Kuratary prajekta —płatforma SHKLO+, arhanizatary — hramadskaje abjadnańnie «Źviano».
Suśvietnaja zorka Džejsan Deruła zajechaŭ u Biełaruś. Premjer Turčyn vadziŭ jaho pa Domie ŭrada8
Kamientary