Krajaznaŭca z Astraŭca Aleś Jurkojć vyjšaŭ na volu paśla šaści hadoŭ turmy
24 sakavika paśla 6-hadovaha źniavoleńnia vyjšaŭ na volu viadomy biełaruski aśvietnik z Astravieččyny Aleś Jurkojć, piša Radyjo Svaboda.
Jamu i sudovamu pracesu ašmianskich mytnikaŭ pryśviečanaja kniha Siarhieja Dubaŭca «Tantamareski», jakaja vyjšła ŭ «Biblijatecy Svabody» i letaś stała pieramožcaj litaraturnaj premii Ježy Hiedrojcia.
Viasnoj 2015 hodu byli zatrymanyja bolš za paŭsotni supracoŭnikaŭ punkta propusku «Kamienny Łoh». Suprać mytnikaŭ zaviali piać kryminalnych spraŭ za spryjańnie ŭ «kantrabandzie kvietak».
U vieraśni 2017-ha Alesia Jurkojcia asudzili na 7 hadoŭ u tak zvanaj «kvietkavaj spravie». Jon naležaŭ da hrupy z čatyroch mytnikaŭ, jakija nie pryznali viny i dakazvali, što jany nia brali chabaraŭ.
Aleś Jurkojć viadomy jak hramadzki i kulturny dziajač, adzin z ruchavikoŭ biełaruskaha nacyjanalnaha žyćcia ŭ rehijonie. Pravodziŭ plenery, kursy «Mova nanova», stvaryŭ tavarystva «Vilniar» — adzinuju na Astravieččynie krajaznaŭčuju supołku, jakaja vyvučała i pašyrała viedy pra svoj kraj.
Na pierakanańnie jahonych paplečnikaŭ i adnadumcaŭ, jon apynuŭsia za kratami pavodle pryncypu «kalektyŭnaj adkaznaści».
Aleś Jurkojć ź vioski Varniany Astravieckaha rajonu, z žonkaj Hannaj hadavali troch dzietak. Amal 20 hadoŭ adpracavaŭ inspektaram na Ašmianskaj mytni.
Ustalavaŭ pamiatnyja kamiani i šyldy paetam Kazimieru Svajaku ŭ Vilni i Janku Bylinu ŭ Kluščanach; adkryŭ muzej bratoŭ Stapovičaŭ u vioscy Barani; arhanizavaŭ mižnarodnyja plenery žyvapiscaŭ i skulptaraŭ, paetyčny słem; pravioŭ proćmu lekcyj, knižnych prezentacyj, vandrovak i ekskursij; pastaviŭ pomnik u vioscy Słabodka da jubileju paŭstańnia Kastusia Kalinoŭskaha; adšukaŭ 20-y punkt Duhi Struve; arhanizavaŭ «Kasinerski fest».
Ciapier čytajuć
Natalla Piatkievič stała vice-premjeram, a Karanik uznačaliŭ Akademiju navuk9
Natalla Piatkievič stała vice-premjeram, a Karanik uznačaliŭ Akademiju navuk
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ44
«Siomaja DNK-ekśpiertyza paćvierdziła: Alaksiej ź biełaruskaj vioski Rymucieŭcy — baćka Chansa». Jak narviežac znajšoŭ baćku-biełarusa praz 78 hadoŭ4
Navukoviec raspavioŭ pra hieałahičnyja zahadki Biełarusi: irtuć ź ziamli i kratar ad padzieńnia mietearyta, jaki źniščyŭ usio žyvoje ŭ radyusie tysiač kiłamietraŭ99
Kamientary