Prezident ZŠA Barak Abama 12 červienia na hod pradoŭžyŭ dziejańnie ŭkaza ab aryšcie ŭłasnaści "šerahu asob, jakija padryvajuć demakratyčnyja pracesy ŭ Biełarusi", što znachodzicca na terytoryi abo pad jurysdykcyjaj ZŠA
Jak zaznačaje pres-słužba Biełaha doma, Abama nakiravaŭ adpaviednaje paviedamleńnie, u tym liku ŭ Kanhres ZŠA, u jakim adznačyŭ najaŭnaść "niekatorych pazityŭnych źmianieńniaŭ za minuły hod" u Biełarusi.
U pryvatnaści, jon źviarnuŭ uvahu na vyzvaleńnie ŭsich mižnarodna pryznanych palityčnych źniavolenych. "Ale niahledziačy na heta, dziejańni i palityka peŭnych členaŭ urada i inšych ludziej, jakija padryvajuć demakratyčnyja pracesy, parušajuć pravy čałavieka i ŭciahnutyja ŭ dziaržaŭnuju karupcyju, majuć nadzvyčajnuju pahrozu nacyjanalnaj biaśpiecy i mižnarodnaj palitycy ZŠA. Pa hetych pryčynach ja vyrašyŭ, što nieabchodna pradoŭžyć dziejańnie ŭkaza ab błakiravańni ŭłasnaści", — havorycca ŭ dakumiencie.
Ukaz ab finansavych sankcyjach u dačynieńni da dziesiaci biełaruskich čynoŭnikaŭ byŭ padpisany papiarednim prezidentam Džordžam Bušam 16 červienia 2006 hoda i z taho času pradaŭžajecca štohod.
Ukaz błakiruje ŭłasnaść hetych čynoŭnikaŭ i ich prava na ŭłasnaść u ZŠA, rachunki i mahčymaść finansavych apieracyj. Amierykanskim kampanijam i pryvatnym asobam zabaroniena zaklučać ździełki z hetymi słužbovymi asobami.
Da ŭkaza prykładajecca śpis ź dziesiaci proźviščaŭ, u ich liku — prezident Alaksandr Łukašenka i jaho syn Viktar Łukašenka, namieśnik kiraŭnika Administracyi prezidenta Natalla Piatkievič, ministr justycyi Viktar Hałavanaŭ, staršynia Biełdziaržteleradyjokampanii Alaksandr Zimoŭski, kiraŭnik Centrvybrakama Lidzija Jarmošyna.
U śpis taksama ŭvachodziać asoby, jakija na hety čas pazbavilisia svaich pasadaŭ, — heta byłyja staršynia KDB Ściapan Sucharenka, dziaržsakratar Savieta biaśpieki Viktar Šejman, ministr unutranych spraŭ Uładzimir Navumaŭ i kamandzir bryhady śpiecnazu ŭnutranych vojskaŭ MUS Dźmitryj Paŭličenka.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary