U štabie Cichanoŭskaj acanili, jakuju ekanamičnuju dapamohu atrymaje Biełaruś, kali praviadzie sumlennyja vybary
Pradstaŭnik Śviatłany Cichanoŭskaj pa ekanamičnych reformach Aleś Alachnovič raspavioŭ, na jakuju finansavuju i ekanamičnuju padtrymku moža raźličvać Biełaruś paśla demakratyčnych prezidenckich vybaraŭ.
Alachnovič adznačyŭ, što ŭ prajekcie płana ES «šmat karysnych prapanoŭ dla ekanomiki Biełarusi». Da ich adnosiacca:
— značnaje pavieličeńnie finansavańnia pryvatnaha biznesu i bujnych infrastrukturnych prajektaŭ praź Jeŭrapiejski bank rekanstrukcyi i raźvićcia i Jeŭrapiejski inviestycyjny bank;
— raźvićcio enierhietyčnych, ekałahičnych i inšych transhraničnych i biznes-prajektaŭ u miežach Uschodniaha partniorstva;
— pryniaćcie pahadnieńnia ab pryjarytetach partniorstva Biełarusi i ES;
— padtrymka novaj prahramy stabilizacyi Biełarusi z MVF, uklučajučy dadatkovaje finansavańnie ES praź miechanizm «makrafinansavaj dapamohi»;
— padtrymka ŭstupleńnia Biełarusi ŭ Suśvietnuju handlovuju arhanizacyju;
— techničnaja dapamoha Biełarusi ŭ raspracoŭcy rehulatarnych i halinovych reformaŭ z udziełam Arhanizacyi ekanamičnaha supracoŭnictva i raźvićcia, Suśvietnaha banku i JEBRR;
— biaźvizavy režym dla biełarusaŭ.
Na dumku Alachnoviča, Jeŭrasajuz i jeŭrapiejskija banki — nie adzinyja, chto hatovy dapamahčy Biełarusi.
«Ženia pahadziŭsia na budoŭlu, a nie vajavać. I tolki kali vyjdzie z zapoju!»: jak pradali ŭ rasijskuju armiju žychara Lozna. Achviara nie adna6
Kamientary