U Niamieččynie 185 akcioraŭ i aktrys ździejśnili masavy kaminh-aŭt i paviedamili ab svajoj homaseksualnaści, biseksualnaści abo transhiendarnaści. Zajavu i partrety publikuje vydańnie Süddeutsche Zeitung.
185 Schauspieler*innen outen sich im neuen SZ-Magazin als lesbisch, schwul, bi, queer, nicht-binär, trans*. Was sie mit #actout erreichen wollen – am Freitag im neuen Heft in der @SZ und jetzt digital unter https://t.co/GYWsgfjudB pic.twitter.com/Ej84a9W8EQ
Manifiest udzielnikaŭ sumiesna z kaminh-aŭtam apublikavany na 16 movach.
«Da hetaha času my nie mahli adkryta kazać pra naša pryvatnaje žyćcio, nie bajučysia nastupstvaŭ dla našaj karjery.
Časta mnohija z nas sutykalisia z tym, što ahienty pa kastynhu, kalehi, pradziusary, redaktary, režysiory i inšyja nastojliva rekamiendavali nam trymać našu seksualnuju aryjentacyju, identyčnaść i poł u sakrecie, kab nie padviarhać niebiaśpiecy karjeru. Ciapier z hetym skončana!» — tak patłumačyli svaju rašučaść aŭtary manifiestu.
Aproč inšaha akciory i aktrysy zaklikali źmianić staŭleńnie da pradstaŭnikoŭ ŁHBT i čaściej pakazvać ich u filmach: «Jość značna bolš historyj i pierśpiektyŭ, čym pierśpiektyvy biełaha hieteraseksualnaha siaredniaha kłasa. Ich z zachapleńniem hladziać, imi zachaplajucca.
Raznastajnaść daŭno stała realnaściu ŭ sučasnym niamieckim hramadstvie. Ale hety fakt da hetaha času mała adbivajecca ŭ našych kulturnych naratyvach. Adnak naša hramadstva daŭno da hetaha hatova. Hledačy hatovyja».
Ciapier čytajuć
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie20
Kamientary