Biełaruskija historyki pra zabaronu nacyjanalnaj simvoliki: Nie maje nijakaha histaryčnaha abhruntavańnia, viadzie da raskołu hramadstva

Bieła-čyrvona-bieły ściah źjaŭlajecca nacyjanalnym i dziaržaŭnym biełaruskim simvałam. Jon byŭ uchvaleny ŭ 1917 hodzie ŭsimi biełaruskimi nacyjanalnymi arhanizacyjami i staŭ dziaržaŭnym u 1918 hodzie, naprykancy Pieršaj suśvietnaj vajny, kali novyja krainy, jakija ŭźnikli na ruinach impieryjaŭ, zaćviardžali svaje dziaržaŭnyja simvały. Naša nacyjanalnaja dziaržava Biełaruskaja Narodnaja Respublika pryniała dziaržaŭny hierb — staražytnuju Pahoniu i dziaržaŭny ściah — bieła-čyrvona-biełaha koleraŭ, adpaviednych biełaruskim narodnym i histaryčnym tradycyjam.

Za minułaje stahodździe bieła-čyrvona-bieły ściah staŭ duchoŭnym nabytkam i maralnaj kaštoŭnaściu dla miljonaŭ biełarusaŭ niezaležna ad ich palityčnych pohladaŭ. U 1930 hodzie znakamity paet-kamunist Maksim Tank napisaŭ:

Hladzicie ŭ budučyniu śmieła!

Nastaŭ doŭhačakany čas,

Pad ściaham bieł-čyrvona-biełym

Čakaje pieramoha nas.

Vykarystańnie kałabarantami nacyjanalnych simvałaŭ u časy Druhoj suśvietnaj vajny było zvyčajnaj spravaj u Jeŭropie i nie moža vieści da ich dyskredytacyi. My bačym, jak dziaržavy z padobnym histaryčnym dośviedam, jak, naprykład, Rasija, Ukraina, Francyja, Litva, Łatvija, Charvatyja, Narviehija, Danija dy inšyja šanujuć svaje nacyjanalnyja ściahi. U vieraśni 1991 hodzie Viarchoŭny Saviet BSSR zaćvierdziŭ bieła-čyrvona-bieły ściah dziaržaŭnym ściaham Respubliki Biełaruś. U 1994 hodzie mienavita pad im prynosiŭ prysiahu novaabrany prezident Łukašenka. Siońniašniaja aficyjoznaja prapahandysckaja kampanija pa dyskredytacyi i zabaronie nacyjanalnaha i dziaržaŭnaha simvała Biełarusi — bieła-čyrvona-biełaha ściaha — nie maje nijakaha histaryčnaha abhruntavańnia, viadzie da raskołu hramadstva i raspalvańnia varažniečy pamiž hramadzianami Biełarusi.

Arhanizatary i ŭdzielniki hetaj kampanii pavinny panieści adkaznaść nie tolki pierad sudom historyi, ale i jurydyčnuju. Zajavu ŭžo padpisali:

doktar histaryčnych navuk Alaksandr Kraŭcevič 

doktar histaryčnych navuk Alaksandr Smalančuk

doktar habilitavany Tadevuš Havin

doktar habilitavany Jury Hardziejeŭ

doktar histaryčnych navuk Siarhiej Tokć

doktar habilitavany Hienadź Sahanovič

doktar historyi Lilija Koŭkiel

kandydat histaryčnych navuk Andrej Čarniakievič

kandydat histaryčnych navuk Ina Sorkina

kandydat histaryčnych navuk Anatol Vialiki

kandydat histaryčnych navuk Kaciaryna Kryvičanina

kandydat histaryčnych navuk Andrej Kištymaŭ

historyk Andrej Radaman

kandydat histaryčnych navuk Alaksandr Radziuk

kandydat histaryčnych navuk Alaksiej Šałanda

kandydat histaryčnych navuk, dacent Vadzim Anipiarkoŭ

doktar habilitavany Aleh Łatyšonak

kandydat histaryčnych navuk Anatol Trafimčyk

mahistr historyi Andrej Mastyka

Padpisać zajavu možna tut.

• 0
• 0
• 0
• 0
• 0
• 0
• 0
• 0