Aleksandr Łukašenka zaćvierdziŭ siońnia rašeńnie na achovu dziaržaŭnaj miažy orhanami pahraničnaj słužby ŭ 2021 hodzie, piša BIEŁTA.
Jak zajavili ŭ Dziaržpahrankamitecie, stanovišča na biełaruskaj miažy na praciahu 2020 hoda zastavałasia stabilnym i kantralujemym, pahroz pahraničnaj biaśpiecy nie vyjaŭlena.
Dziejučyja z pačatku hoda abmiežavańni z-za pandemii, naroščvańnie ščylnaści achovy miažy i prykryćcia miežaŭ pryviali da źnižeńnia supraćpraŭnaj dziejnaści.
«Razam z tym na miežach Biełarusi zachavalisia ryzyki i vykliki pamiežnaj biaśpiecy, źviazanyja ź niezakonnaj mihracyjaj, kantrabandaj i sprobami pierasiačeńnia miažy radykalna nastrojenymi asobami. Terytoryja Biełarusi pa-raniejšamu vykarystoŭvałasia dla tranzitu niezakonnych mihrantaŭ z prablemnych rehijonaŭ u krainy Jeŭrasajuza», — adznačyli ŭ viedamstvie.
Orhany pamiežnaj słužby vyjavili i spynili 12 kanałaŭ narkatrafiku, vyjavili 45 asob z prykmietami datyčnaści da ekstremisckaj dziejnaści. Adnak u cełym ahulnaja kolkaść parušalnikaŭ zakanadaŭstva ab dziaržmiažy źniziłasia bolš čym u dva razy — z 4 tys. u 2019 hodzie da 1,8 tys. u 2020-m.
U liku asnoŭnych zadač na 2021 hod u Dziaržaŭnym pahraničnym kamitecie nazvali ŭdaskanaleńnie inžyniernaha i techničnaha abstalavańnia miež, a taksama nabližeńnie da ich miescaŭ dysłakacyi padraździaleńniaŭ. Praciahniecca aktyŭnaje budaŭnictva sihnalizacyjnych kompleksaŭ i ŭstanoŭka aŭtamatyzavanych pastoŭ techničnaha nazirańnia dla nadziejnaha kantrolu achoŭnych učastkaŭ.
Naprykład, stvorany na pamiežnaj zastavie «Chojniki» centr manitorynhu dazvalaje dystancyjna kantralavać zvyš za 100 km miažy z Ukrainaj pry dapamozie roznych sistem achovy i nazirańnia. Sioleta jaho mahčymaści ŭzrastuć u niekalki razoŭ.
Ciapier čytajuć
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary