Pahladzicie, jakuju redkuju ptušku zaŭvažyli pad Hrodnam FOTA
Jaje pabačyli ŭ Biełarusi ŭpieršyniu.
Karalinskuju kačku (karalinku) nazirali 17 studzienia na Niomanie siabry Kłuba-200 hramadskaha abjadnańnia «Achova ptušak Baćkaŭščyny», paviedamlajuć ptushki.org.
«Karalinskaja kačka (karalinka) nazirałasia ŭ našaj krainie ŭpieršyniu», — raskazvajuć u abjadnańni.
Nazirali niezvyčajnciu ptušku minskija i haradzienskija členy Kłuba-200 APB Taćciana Karžyckaja, Juryj Šašańka, Maksim Kościn i Dźmitryj Vinčeŭski.
«Ja zaŭvažyła pryhožuju kačku, ale nie zusim dobra bačyła jaje ŭ abjektyŭ i tamu padumała, što heta, mahčyma, kačka-mandarynka. Ale Juryj i Dźmitryj adrazu mianie papravili, što heta nie mandarynka, a naohuł novy dla Biełarusi vid — karalinka. My sprabavali razhledzieć, ci akalcavana jana, i, padobna, kolca nie było», — raspaviała Taćciana Karžyckaja.
U Litvie i Polščy Karalinskija kački ŭ dzikaj pryrodzie adznačalisia nieadnarazova, ale dla Biełarusi heta pieršaja rehistracyja vidu ŭ dzikaj pryrodzie.
Karalinskaja kačka (Aix sponsa) — paŭnočnaamierykanski vid, jaki ŭ Jeŭropie ŭtrymlivajuć nie tolki ŭ zaaparkach, ale i ŭ pryvatnych kalekcyjach. Naturalnym čynam z Amieryki karalinki pakul dalatali tolki da Isłandyi. Usie inšyja sustrečy z karalinkami ŭ pryrodzie ŭ roznych krainach na našym kantyniencie ličacca fiksavańniem ptušak, što ŭciakli ź niavoli.
Kamientary