Łucki: Mininfarm razhladaje šerah materyjałaŭ Tut.by dla dačy pravavoj acenki
Pra heta zajaviŭ siońnia žurnalistam ministr infarmacyi Ihar Łucki.
«Mininfarm na praciahu 2020 hoda vynies 4 papiaredžańni sietkavamu vydańniu tut.by. U adpaviednaści z Zakonam ab ŚMI Mininfarm pradjaviŭ u sud pazoŭ ab spynieńni jaho dziejnaści. Nieabchodna adznačyć, što Viarchoŭny sud paćvierdziŭ zakonnaść i abhruntavanaść vyniesienych papiaredžańniaŭ. 3 śniežnia 2020 hoda Ekanamičny sud Minska pryniaŭ rašeńnie ab spynieńni dziejnaści, a siońnia apielacyjnaja instancyja paćvierdziła hetaje rašeńnie. Tamu ŭsie dziejańni Mininfarma, jakija doŭžylisia ŭvieś hety čas, prachodžańnie praz usie sudovyja instancyi, zaviaršylisia tym rašeńniem, jakoje absalutna zadavalniaje Ministerstva infarmacyi», — cytuje Łuckaha BiełTA.
Ministr adznačyŭ, što na hety momant Mininfarm razhladaje šerah materyjałaŭ, jakija raźmiaščajucca ŭžo na internet-resursie tut.by, «dla dačy pravavoj acenki ŭ častcy parušeńnia 38 Zakona ab ŚMI (infarmacyja, raspaŭsiudžvańnie jakoj u srodkach masavaj infarmacyi, na internet-resursach zabaroniena), a taksama ab raźmiaščeńni niedakładnaj infarmacyi, zdolnaj nanieści škodu hramadskim i dziaržaŭnym intaresam».
Jon padkreśliŭ: «Na siońniašni dzień Mininfarm praciahvaje manitoryć infarmacyjnuju prastoru Biełarusi, i pry parušeńni zakanadaŭstva ab ŚMI i inšych zakonaŭ Biełarusi nieadkładna buduć vynosicca albo papiaredžańni, albo patrabavańni ab vydaleńni niedakładnaj infarmacyi, albo prymacca rašeńni ab spynieńni dziejnaści, albo raspaŭsiudžvańnia takoj infarmacyi šlacham błakavańnia».
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Ciapier čytajuć
Ukraina ŭpieršyniu adkazała na rasijskija ataki na składy «Novaj pošty» simietryčnymi ŭdarami pa chabach «Vajłdbieryz». Padmaskoŭny zhareŭ daščentu1111
Kamientary