Луцкі: Мінінфарм разглядае шэраг матэрыялаў Tut.by для дачы прававой ацэнкі
Пра гэта заявіў сёння журналістам міністр інфармацыі Ігар Луцкі.
«Мінінфарм на працягу 2020 года вынес 4 папярэджанні сеткаваму выданню tut.by. У адпаведнасці з Законам аб СМІ Мінінфарм прад'явіў у суд пазоў аб спыненні яго дзейнасці. Неабходна адзначыць, што Вярхоўны суд пацвердзіў законнасць і абгрунтаванасць вынесеных папярэджанняў. 3 снежня 2020 года Эканамічны суд Мінска прыняў рашэнне аб спыненні дзейнасці, а сёння апеляцыйная інстанцыя пацвердзіла гэтае рашэнне. Таму ўсе дзеянні Мінінфарма, якія доўжыліся ўвесь гэты час, праходжанне праз усе судовыя інстанцыі, завяршыліся тым рашэннем, якое абсалютна задавальняе Міністэрства інфармацыі», — цытуе Луцкага БелТА.
Міністр адзначыў, што на гэты момант Мінінфарм разглядае шэраг матэрыялаў, якія размяшчаюцца ўжо на інтэрнэт-рэсурсе tut.by, «для дачы прававой ацэнкі ў частцы парушэння 38 Закона аб СМІ (інфармацыя, распаўсюджванне якой у сродках масавай інфармацыі, на інтэрнэт-рэсурсах забаронена), а таксама аб размяшчэнні недакладнай інфармацыі, здольнай нанесці шкоду грамадскім і дзяржаўным інтарэсам».
Ён падкрэсліў: «На сённяшні дзень Мінінфарм працягвае маніторыць інфармацыйную прастору Беларусі, і пры парушэнні заканадаўства аб СМІ і іншых законаў Беларусі неадкладна будуць выносіцца альбо папярэджанні, альбо патрабаванні аб выдаленні недакладнай інфармацыі, альбо прымацца рашэнні аб спыненні дзейнасці, альбо распаўсюджвання такой інфармацыі шляхам блакавання».
Цяпер чытаюць
«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню7
Каментары